Viksund 990 Combi

Flott turbåt til sals!

Combi-utgåve av Viksund 990 med lukka styrehus er veleigna for heilårsbruk, og er sjeldan til sals.

God sjøbåt med djup kjøl. Kjøpt i 2012, og vore brukt som turbåt på Vestlandet sidan. Godt eigna til lengre turar, sommaren 2018 “loffa” den nedover kysten frå Bodø og heim til Sogn.

Akter er det ein stor utvendig, sjølvlensande cockpit med utvendig styreposisjon. Buesofa med tilhøyrande puter og bord. Sofaen kan truleg enkelt demonterast dersom ny eigar vil bygge om til fisking att. Tidlegare eigar brukte båten også til fiske, og hadde fiskekummar nedi lasteromma. Det følgjer også med ein heildekkjande kalesje, denne kan delast i fleire delar og fellast ned.

Lukka styrehus med fast bakvegg mot cockpit: Førerposisjon med takluke over. Kartplotter, ekkolodd og VHF følgjer med, samt ein radar som ikkje vil starte opp. Rattkonsoll kan opnast for enkel tilgang til elektrisk anlegg. Kjøleskap er plassert her. Ferskvannstank under passasjersetet.

Salong med sofa som kan gjerast om til seng. Bysse med 2 gassbluss. Godt med lagringsplass i skuffer og skap, samt i holrom under, og hyller bak, sofa.

Forpigg med sofa, der korte personar kan sova. Det er også overkøyer, men dei passar best for barn.

Toalettrom med elektrisk toalett, varmt og kaldt vatn.

Båten vart kjøpt av far min og vert seld fordi han døydde i fjor. Familien har difor ikkje førstehandskunnskap om alle tekniske detaljar. Bla. er me usikre på motorstørrelse. Dokumentasjon tilseier ein 1999-modell Volvo Penta TAMD31 P-A, som skal vere 155 hk. Båten skal vera 5-6 tonn tung, og motor gir behageleg marsjfart på 6.3 knop ved 1800 rpm. Dieselforbruk er då 4.5 - 5 liter/time. Maxfart 8 knop med 3000 rpm. Motor har gått 1470 timer. Elektronisk timeteller slutta å virke i 2021 på 1382t. Diverse vedlikehald far min gjorde opp gjennom åra er dokumentert i loggbok.

Me meiner båten er svært velhalden både innvendig og utvendig. Men båten er 37 år, og ikkje ny. Gelcoat på dekk er slitt, og nokre av teak-overflatane inne treng pussing og nytt strøk lakk. Båten har ikkje gått langtur sidan hausten 2021, med berre korte turar i 2022 og 2023, men starta fint på første forsøk i 2024. Me har køyrt den nokre timar på småturar i nærområdet no og alt ser ut til å verke fint. Me hadde båten på slipp i mai 2024, der skroget vart reingjort og botnstoffa, og monterte nye anodar. Skrogsida vart polert. Bileta i annonsen er frå mai/juni 2024.

Viksund 990 er sjøsterk og romsleg for 2-4 personar - ein ypparleg turbåt!

Ta gjerne kontakt på 40 47 38 11 eller via Finn.