Drøymer du om å driva din eigen vesle kafe?

Eides Kafe og Handleri på Valestrandsfossen, Osterøy, er ledig for ny drift frå juni 2025.

Eidesjentene Tone og Lis starta opp med kafedrift i den gamle landhandelen i april 2016, og har i løpet av desse åra bygd opp ein triveleg møteplass.

Kafeen vart ein svært populær samlingsstad for lokalbefolkninga, og folk kom reisande frå fjern og nær for å oppleva den lune kafestemninga i dette nostalgiske og veldig sjarmerande lokalet. 

Sjå nærare her :https://www.facebook.com/eideskafeoghandleri 

Frå april 2024 har det vore ny kafedrivar i lokalet. Krisztina har servert fantastisk gjærbakst og andre godsaker gjennom dette siste året, i tillegg til at ho har hatt ein triveleg og godt besøkt garnbutikk i lokalet. @spotogpinner
Drifta har vore svært god, men Krisztina skal no gi seg av private årsaker.

Lokalet er ledig for ny leigetakar frå 1. juni 2025.
Her kan du oppfylla draumen om å ha din eigen vesle kafe. Lokalet eignar seg og til kiosk/butikk. Eller kanskje ein frisør vil flytta inn.
Ta kontakt for visning.

Her finn du alt du treng for å driva kafe

Lokalet er på 50 kvm, inkludert kjøkken, gjestetoalett, og toalett for tilsette.
Her er plass til vel 20 gjester, og i sommarsesongen det dobbelte, med fleire kafebord i den koselege hagen.
Kafeen har eit velutstyrt kjøkken, og plassen her er svært godt utnytta.
Her er Gram industrikjøleskap og -fryseskap med god kapasitet, Grepa komfyr med induksjonstopp og steikeovn med varmluft og airfry funkjson,
Hobbart industrioppvaskmaskin med steamer, La Marzotto kaffimaskin med alle funksjonar og tilhøyrande kaffikvern, elektrisk kakedisk med hyller, Kenwood kjøkkenmaskin med mykje utstyr, i tillegg til ein god del småelektriske kjøkkenapparat.

Kafeen er godt utstyrt med servise til å dekka til full middagsservering for innleigde selskap, og har ellers rikeleg servise og bestikk til dagleg kafedrift.

I kafeavdelinga står ein vakker og velfungerande vedovn, og heile lokalet har golvvarme.

Eideshuset ligg strategisk plassert midt i Valestrand sentrum, med god tilkomst frå gateplan, og offentleg parkeringsplass med god kapasitet rett over vegen.

I tilknytting til parkeringsplassen ligg og Valestrand Torg, med koselege sitjegrupper.

Her er daglegvarebutikk, fleire frisørsalongar, neglesalong rett i nærleiken, og Valestrand ferjekai er næraste nabo, med dei fordelane det gir med gjester frå ferjekøen.

Valestrandsfossen er den største tettstaden på Osterøy, med ca 1500 innbyggjarar.

I Osterøy kommune er bur det i overkant av 8000 personar.

Du kjem enkelt til Valestrand ved å ta ferja MF Ole Bull frå Breistein.

Ferja er inne i autopass-systemet, og er gratis for passasjerar. Den går kvar halvtime, og turen over tar 10 minutt.

Du kjem og til Valestrand ved å kjøra over Osterøybrua, Fv 566

Eideshuset er frå 1902, og både huset og kafelokalet var nyrenovert ved oppstart i 2016, og har høg standard. Her er godt påkosta teknisk utstyr.

Golvet er flislagt, med varmekablar i heile lokalet.

Her er vakkert pussa murvegger, og tre djupe vindaugsnisjer som eigner seg svært godt til eksponering av varer.

Kafeen har vore driven som kombinert kafe og butikk heilt frå oppstarten, noko som og gjer stemninga i lokalet svært unik.

I kafelokalet er fleire sjarmerande bord med sitjeplassar.

Kjøkkenet inneheld alt av utstyr til kafedrift.

Gjestetoalett og toalett for tilsette er ein del av arealet.

Røykvarslar og brannslokkingsapparat er montert.

Kafeen er godt opplyst, både med dimbare spotskinner i tak, og med enkelthengande lamper over borda.

Kjøkkenet har godt arbeidslys.

Det koseleg opparbeidde utearealet er på ca 45 kvm. Her er brukt altaskifer som golvdekke. Hagen har små soner med fin beplanting, og her er god plass til sitjande gjester både på framsida av kafeen, og i bakhagen.

I øvste del av hagen står ei nydeleg lita bod på 8 kvm. Denne er ein kopi i miniformat av sjølve Eideshuset, og kan leigast som ekstra lagerplass om ønskjeleg.

Boda har varmekablar i golv, og hems til fjernlagring av varer.

I boda står ekstra fryseboks.