Straumen - næringseigedom - Tidlegare skule. Ta kontakt for påmelding til vising.

Eigedom

Straumen
6928 Kolgrov

Eigedomen er oppført med ein skulebygning frå 1939-1940. Bygningen vart modernisert og tilbygd med eit lite trappehus i 1994 og eit større trappehus i 2004. Eigedomen har strandlinje.

Lokalitet

Eigedomen ligg i landelege omgjevnadar ca 6,5 km til Nåra med nærbutikk og hurtigbåtstopp med korrespondanse til Bergen. Frå eigedomen er det ca 20 km til kommunesenteret Hardbakke med barne- og ungdomsskule, barnehage, butikkar og kommunale tjenester. Ca. 10 km frå Hardbakke er det ein kort ferjetur over Ytre Steinsundet for tilkomst til Straumen.

Innhald

Bygningen går over tre plan med følgande innhald.
Underetasje: Gang, gang/trapperom, forming/kjøkken, to toalett, handikap toalett, vaskerom og tre lager.
1. etasje: Gang, trapperom, bad, klasserom, bibliotek, kontor, pauserom og arbeidsplass.
Loft: Gang, trapperom, kontor, klasserom og grupperom.

Standard

Innvendige veggar har panel, lafta tømmerplank og måla overflater på underlag trefiberplater og murpuss. I himlingane er det panle og måla overflater på underlag av trefiberplater. Golva har belegg og furugolv.
Innvendig er det trapp i trevirke med belegg i trinna. I det eine trapperommet er det ei eldre trapp med måla overflater.

UNDERETASJE:
Dei to toaletta i underetasje har baderomsplater på veggane. Romma er innreiia med servant, spegel, lysarmatur, toalett og panelovnar. Vindauga er blokkert på grunn av tilbygget som vart oppført i 2004.

Handicap toalettet har baderomsplater på veggane. Rommet er innreiia med servant, spegel, lysarmatur, toalett og stellebord.

Vaskerommet har baderomsplater på veggane. Innreiinga består av skyljekar, vasspumpe, trykktank, tørketrommel og tilkopling for vaskemaskin.

Kjøkkenet har innreiing med frontar av finer, laminert benkeplate og tilkopling for oppvaskmaskin. Ventilator er montert i ventilatorskåp.

HOVUDETASJE:
Badet har måla strie på veggane. Baderomsinnreiinga består av servant, spegel, lysarmatur, toalett og dusjkabinett.

Kjøkkenet har innreiing med frontar av finer, laminert benkeplate og tilkopling for oppvaskmaskin. Ventilator er montert i ventilatorskåp.

Meklar gjer særleg merksam på at seljar ikkje har bebudd eigedomen som vert lagt ut for sal. Seljar har difor ikkje spesifikk kunnskap om eigedomen, og har i avgrensa grad kunne supplere og/eller kontrollere opplysningane i denne salsoppgåva. Det kan i denne samanheng eksistere feil og skader på eigedomen som ikkje er spesifikt opplyst. Kjøpar vert oppmoda til å føreta ei særleg grundig synfaring, helst med bistand av teknisk sakkyndig.

Kvitevarer

Kvitevarene som er på kjøkkenet ved vising følgjer med i salet. Vaskemaskin og tørketrommel følgjer ikkje med i salet. Tuner til TV følgjer ikkje med, evt. Parabolantenne som er montert skal følgje med.

Byggjemåte

Fundament i betong på planert steinfylling. I underetasjen er det støypt plate på terreng. Grunnmuren på den eldste delen er truleg oppført i engelsk holmur med utvendig murpuss, og med innvendig påforing av bindingsverk. På den tilbygde delen er grunnmuren oppført i leca med pussa overflater innvendig og utvendig.
Ytterveggane over grunnmuren er oppført i lafta tømmerplank med utvendig bordkledning av trepanel. Takstmann har ikkje kontrollert om ytterveggane er isolert, eller eventuelt kor mange cm med isolasjon det er.
På tilbygget er det 6" isolert bindingsverk med bordkledning av trepanel.
Sidan tilbygget har ein avstand på ca 4 meter til nabobygningen, er det lagt til grunn at ytterveggen er oppført som brannvegg i henhold til tekniske byggeforskrifter.
I grunnmuren i fasde mot nordaust er det inspeksjonsluke for tilkomst til lagerrom med noko låg takhøgde.
Etasjeskilje er oppført i trebjelkelag.
Ytterdør i trevirke. Ved inngangspartiet er det tofløya dør med vindaugefelt. I underetasjen er det ytterdør av aluminium. Innvendig er det i hovudsak dører av finer med B30 og db 30.
I det eine kottet er det plassbygd dør av eldre dato.
Vindauga har 2-lags isolerglas i trekarm som truleg er frå 1994 og frå 2004.
I underetasjen er det vindauge av PVC som vart produsert i ca. 1987. På loftet er det takvindauge med karm av PVC.
Takkonstruksjonen på den eldste delen har taksperr frå byggeåret med taktekking av skifer og undertak av rupanel.
Takkonstruksjonen på tilbygd del er oppført som pulttak og som saltak, og har taktekking av skifer på undertak av rupanel.
Takrenner og nedlaup i plast.
Det er overbygd over inngangspartiet med unntak av inngangspartiet i fasade mot nordaust.
Takkonstruksjonen på den eldste delen er truleg isolert med 10 cm medan på tilbygd del er det truleg 20 cm isolasjon.
I takkonstruksjonen i fasade mot nordaust er det eit takoppløft.
Det er to piper som er oppført i teglstein, men pipene er ikkje i bruk og er pålagd fyringsforbod. Innvendig er pipene pussa og malt. Pipene er ikkje pussa over tak.

Det elektriske anlegget har større sikringstavle med automatsikringar. Det er montert seriekopla brannvarslarar og balansert ventilasjonsanlegg. Sjølve ventilasjonsanlegget er plassert i eit kott på loftet.
Det er utebelysing.

Sanitæranlegget har vassrør av kopar og avløpsrør av plast. I kjøkkenet i underetasje er det to vassrør av typen rør i rør som går opp til 1. etasje.
VVT er plassert i vaskerommet. Trykktanken og vasspumpa er plassert i underetasje. Det er montert vassutkastar for tilkopling av hageslange.

Det kan eksistere feil og skader på eigedomen som ikkje er spesifikt opplyst. Kjøpar vert oppmoda til å føreta ei særleg grundig synfaring, helst med bistand av teknisk sakkyndig.



Med omsyn til den tekniske standarden på bygningane vert det elles vist til takst av Trond Gjesdal, datert 21.08.2017.

Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Meklar gjer elles merksam på kjøpar si undersøkingsplikt med heimel i avhendingslova.

Arealer og fordeling per etasje

Primærrom: 367 kvm, Bruksareal: 409 kvm, Bruttoareal: 453 kvm
Alle rom er P-rom unnateke: lager.

BRA pr. etasje:
Underetasje: 145 m2
1.Etasje: 167 m2
Loft: 97 m2
Areala er henta frå takst utført av autorisert takstmann og er i samsvar med NS 3940. Meklar har ikkje kontrollert areala.

Parkering

Parkeringsareal framfor bygget.

Tomt

Areal: 857 kvm, Eierform: Eiet tomt
Delar av tomta grensar mot sjøen. Tomta er opparbeidd med asfaltert tilkomstveg og gangveg til inngangspartiet, gruslagt tun, murar av betong og naturstein, nettinggjerde, leikeapparat, klatrevegg i trevirke, plattingar og trapper i betong. På fasaden mot nordaust er det trapp i stål.

Regulering/offentleg godkjenning

Eigedomen grensar til/ligg i LNF-område.
Det er ikkje opplyst om reguleringsmessige forhold som kan ha betydning for takstverdien. Oppført tomteareal er innehenta frå kartskisse frå Solund kommune.

Veg, vatn, avløp

Eigedomen har i dag vasstilføring frå Kolgrov vassverk. Det er opplyst om at eigedomen kan ha eksisterande vannleidning frå Kolgrov vassverk under forutsetning av at forbruket vert som før. Det må i dette tilfelles søkast om endra bruk som vil auke vassforsyninga og det må derfor innhentast løyve frå vassverket.
Bygdehuset, som like ved skulebygningen, har vasstilføring frå skulebygningen med vasspumnpe og trykktankt i underetasjen. Det er lagt til grunn i taksten at denne løysinga er permanent.

Slamutskillaren er eldre og må påreknast å skiftast ut. Tanken er ikkje nedgravd/frostsikra. Det gjerast merksam på at endra bruk etter ev sal krev bruksendring med søknad om dispensasjon frå kommunedelplanen.

Felles tilkomstveg for denne eigedomen og naboeigedomen med gnr. 8, bnr. 23.

Energimerking

Oppvarmingskarakter Oransje - Energikarakter E

Tilkomst

Eigedomen har lett tilkomst frå fylkesveg.

Oppvarming

Det er installert luft til luft varmepumpe i underetasjen. Anna oppvarming er basert på elektriske varmeomnar.

Faste kostnader

Straum og nettleige etter eige forbruk.
Eigar må sjølv teikne fullverdi og innbuforsikring. Prisar på dette vil variere med om ein er totalkunde osv. hjå forsikringselskap.

Likningsverdi

Likningsverdi som primærbustad kr per
Likningsverdi som sekundærbustad kr per
Ny eigar må pårekne ny likningsverdi med grunnlag i kjøpesum.

Ferdigattest

Solund kommune opplyser om at det føreligg ferdigattest frå Solund kommune. Attesten er ikkje framlagt for meklar.

Konsesjon

Eigedomen er ikkje konsesjonspliktig.

Utleige

Det krevst bruksendring dersom eigedomen skal leigast ut til næringsformål.

Diverse

I salsprosessen skal det, i tillegg til salssum, leggjast vekt på kva planar kjøparar har for bruk av eigedomen. Det er ynskjeleg at eigedomen i framtida vert nytta til ei eller annan form for næringsaktivitet/allmennyttig aktivitet som ikkje kjem i konflikt med det nærliggjande grendahuset.

HELP Bustadkjøparforsikring

Meklar rår kjøparar av bustader til å teikne "Boligkjøperforsikring". Dette er ei rettshjelpforsikring som gir kjøpar profesjonell juridisk hjelp dersom det vert oppdaga feil eller manglar ved bustaden dei neste 5 åra. Forsikringa inkluderer skadetakst og har ingen eigendel. Forsikringa må teiknast seinast på kontraktsmøte. Sjå www.help.no.

Finansiering

Interessentar som ønskjer tilbod om finansiering i Sparebanken Sogn og Fjordane kan kontakte meklar.

Bodgjeving

Alle bod skal gjevast skriftleg til meklar. Det første bodet skal gjevast på bodskjema påført bodgjevar sin signatur. I tillegg må bodgjevar ha legitimert seg. Seinare bod kan gjevast per e-post, SMS eller per faks til meklar. Bod kan også gjevast via bodgjevingsplattform på nett eller app. Veljast denne løysinga, er det ikkje krav til å sende det første bodet på bodskjema. Meklar skal så snart som muleg stadfeste skriftleg ovanfor bodgjevar at bod er motteke.

Bod som ikkje er skriftleg, eller som har kortare akseptfrist enn til kl. 12.00 dagen etter siste annonserte vising, vil ikkje bli formidla til seljar. Meklar vil heller ikkje formidle bod med atterhald om at bodet er hemmeleg for andre bodgjevarar. Eit bod er bindande for bodgjevar når bodet er blitt gjort kjent for seljar. Seljar står fritt til å akseptere eller forkaste eitkvart bod, og pliktar såleis ikkje å akseptere det høgste bodet på eigedomen.

Meklar skal, i den grad det er naudsynt og muleg, informere dei involverte i bodrunden skriftleg om status i bodgjevinga.
Meklar pliktar å leggje til rette for ei forsvarleg avvikling av bodrunden. For at boda skal kunne bli handsama og formidla vidare skriftlig til alle involverte partar, må eitkvart bod ha ein tilstrekkeleg lang akseptfrist, og uansett bør ikkje eit bod ha ein akseptfrist på mindre enn 30 minutt frå bodet vert gjeve. Seljar må skriftleg akseptere bodet før bodaksept kan formidlast til bodgjevar.
Ein gjer merksam på at bod som vert gjeve etter normal arbeidstid vert handsama/formidla påfølgjande arbeidsdag.

Seljar og kjøpar har krav på å få utlevert kopi av bodjournalen straks etter at handel er komt i stand. Alle som har gjeve bod på eigedomen kan på førespurnad få en kopi av anonymisert bodjournal etter at bodrunden er avslutta.
Ein syner elles til "Forbrukarinformasjon om bodgjeving", som er teke inn på baksida av bodskjema i salsoppgåva.

Overtaking

Etter avtale med seljar.

Seld "som den er"

Salet vert regulert av Lov om avhending av fast eigedom. Eigedomen vert seld i den stand den var under synfaring, jf. avhendingslova § 3-9, "som den er". Dette avtalepunktet medfører at avhendingslova sine reglar om når eigedomen har mangel vert fråvike til ugunst for kjøpar.

Eigedomen har likevel mangel i følgjande tilfelle:
Når kjøpar ikkje har fått opplysningar om forhold ved eigedomen som seljar kjende eller måtte kjenne til, og som kjøpar hadde grunn til å rekne med å få. Dette gjeld likevel berre dersom ein kan gå ut frå at det har verka inn på avtalen at opplysningane ikkje vart gitt.
Når seljar har gitt urette opplysningar om eigedomen. Det same gjeld dersom eigedomen ikkje er i samsvar med opplysningar som er gitt i annonse, salsprospekt eller ved anna marknadsføring på vegne av seljar. Dette gjeld likevel berre dersom ein kan gå ut frå at opplysningane har verka inn på avtalen, og ikkje har vorte retta i tide.
Når eigedomen er i vesentleg dårlegare stand enn kjøpar hadde grunn til å rekne med ut frå kjøpesummen og forholda elles.
Når tomta har vesentleg mindre areal enn opplyst av seljar.
Kjøpar pliktar å gjere seg kjend med innhaldet i taksten og i eigenerklæring frå seljar som ligg ved salsoppgåva før det vert lagt inn bod på eigedommen. Vidare forutsettast det at eigedomen synfarast av kjøpar og det anbefalast at kjøpar sjølv får gjennomgått eigedomens tekniske stand ved bruk av eigne fagfolk. Eventuelle feil ved eigedomen som kjøpar burde ha sett eller oppdaga ved synfaring/visning og nærare undersøkingar med bistand frå fagkyndig gjev ikkje grunnlag for prisavslag eller erstatning.
Kjøp av denne eigedomen er å betrakte som kjøp av næringseigedom. Ved kjøp av næringseigedom stillast det strengare krav til kjøpars undersøkingsplikt. Kjøpar må sjølv foreta vurdering av kva krav som stillast for utøving av næringsverksemde på eigedom og kva slags betyding slike eventuelle krav vil ha for kjøpars planlagde drift av eigedomen. Hvis noverande drift av eigedomen ikkje kan vidareførast på same måte, som fylgje av lov eller forskriftskrav som føreligg eller måtte komme, skal ikkje dette gjeve grunnlag for prisavslag eller erstatning.
Er det forhold ved eigedomen som ikkje er i samsvar med gjeldande lover eller forskrifter, skal desse forhold ikkje medføre krav om prisavslag eller erstatning.
Eigedomen seljast "as is", det vil seie at avhendingslova § 3-9 fråvikast slik at eigedomen i utgangspunktet ikkje skal kunne seiast og innehalde manglar.
Kjøpar overtar blant anna det fulle ansvaret for skjulte feil eller manglar. Kjøpar skal og bære det fulle ansvaret for eventuell forureining som eksisterar på eigedomen. Heller ikkje førehald som nemnd i avhendingslova § 3-7 og 3-8 skal kunne utgjere ein mangel med mindre seljar har opptrådt svikaktig. Vidare fråvikast avhendingslova § 3-2 i det køpar bærer ansvaret for at den påtenkte bruk/nytte av eigedomen kan tillatast.
Avhendingslova § 4-19 (2) vert også fråviken slik at reklamasjon (dvs. at kjøpar hevdar at seljar har handla svikaktig) seinast kan finne stad 1 år etter overtakinga.
Informasjon som er gjeve i dette prospektet samt anna informasjon som er oppgjeve i prospektet eller framlagt ved salet vert forutsett gjennomgått og kontrollert av kjøpar før bindanade bod vert gjeve.
Ovannemnde høve er teke hensyn til i fastsetjinga av prisen på eigedomen. Eigedomen vert seld slik den framstår ved visinga.