Lerum Brygge - Næringsareal til utleige /​ sal

Arealet står i dag som eit rålokale på eit plan på 196 m2. Du som næringsaktør vil kunne bli med å forme ferdigstilling av lokalet. Arealet ligg i 1. etasje med store glasfasadar ut mot fjorden og ut mot Sogndalselva. På delar av fasadane er det glasfelt som kan opnast opp. Lokalet har ei etasjehøgd som gjer det mogleg å bygge mesanin på del av arealet – slik illustrasjonen viser.  Vi er på jakt etter deg som ser moglegheiter i lokalet. Vi ønskjer å skape eit levande og attraktivt liv nede ved sjøkanten.

Sogndal kommune er med sine 12 000 innbyggjarar og 3000 studentar ein vekstkommune på Vestlandet. I tillegg er Sogndal regionsenteret i Sogn med sine 32 000 innbyggjarar. Lerum Brygge ligg sentralt langs den populære Fjordstien, kun 400 meter frå Amfi Sogningen kjøpesenter og 500 meter frå Sjøkanten kjøpesenter.