Sal av selskap ( AS ) , som eig næringsbygg med potensiale og god plassering i Årdalsvegen .

Kort om eiendommen

Næringsbygg som tidlegare har husa Coop Vest sin butikk.

Beliggenhet

Eigedomen ligg lokalt fint til i Årdalsvegen 2 på Reed i område med kombinert nærings-,
bustad og landsbruksformål. Avstand 300 m til barnehagen på Reed, 6 km til barneskulen på
Byrkjelo og 12 km til forretnings- og kommunesenteret Sandane. Flott skianlegg og fine turmoglegheiter på utvikfjellet.

Innhold

Bygget har kjellar som inneheld lager og diverse mindre boder. Etasjehøgda her er ca. 2,2 - 3 m med nivåskilnad på golv mellom eldre del og tilbygget.

1.etg. har butikklokaler, lager med kjøle og fryserom. kontor / pauserom. wc-rom og trapperom. Hovudlokale med etasjehøgd på 2,7m til betongdekke og 2,3 m til underkant betongdragar.

2.etg. har lager, kontorlokaler ( 8 kontor ) , te-kjøkken, wc-rom og trapperom. Etg.høgd 2,6 m til betomgdekke og 2,15m til underkant betongdragar .

Loftet har 27m2 med arkivrom, trapperom og uinnreidd rom.

Tomt

Tomta er for det meste flat med asfaltert inngang og asfaltert nedkøyring til kjellaren.
Vi gjer særleg merksam på at grøntareal mot aust ca. 900 m2 ikkje med i salet og vil bli skilt ut, men det er mogleg å kunne få kjøpe den med . Det er utarbeidd eigen takst på denne.
Kjøpar forpliktar seg til å signere på dei dokumenta som blir krevd for å få delingsforretninga gjennomført samt skøyte til seljar. Eventuelle skattemessige ulemper i forbindelse med denne forretninga vert dekka av seljar. Dette vil og verte eit punkt i kjøpekontrakta som kjøper og seljar signerer.

Bebyggelse

På eigedomen er det oppført kombinert nærings- og kontorbygg.

Byggemåte

Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde verdirapport fra takstmann Kristen Eikenæs datert 27.12.2024. Interessentar vert oppmoda til å sette seg grundig inn rapporten som ligg som vedlegg i salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova.

Standard

Bygget er opplyst på tidlegare takst er oppført i 1950 ( noke usikkert ) , det har ikkje vore modernisert i seinare år.

Bygget er sett opp med ytterveggar av murkonstruksjonar i hovudsak som engelsk holmur utvendig og innvendig betongpussa overflater som er målt.
Veggar er sett på grunnmur av sparebetong i eldste delen av bygningen og elles som betongveggar over betongfundamenter på utplanerte massar. Elles ukjente grunnforhold.

Etasjeskilje av plasstøypt betong med undeliggande bærande søyle - og dragarsystem i betong.

Energimerking

Det er ikkje tatt energimerking på bygget. Ein må utfrå byggeår anta lavaste klasse.

Adkomst

God adkomst frå fylkesvegen og kommunal veg. E 39 går rett forbi og beliggenheita er god i forhold til forretningdrift m.m

Parkering

På eigedomen

Overtakelse

Overtaking etter avtale. Legg inn ønskje om overtakingsdato ved bodgjeving.
Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Sentrale lover

Eigedomen vert seld etter reglane i avhendingslova og kjøpslova

Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder.

Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve og tilstandsrapport, reguleringsplanar m.m. og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.

Dersom kjøpar ikkje er forbrukar seljast eigedomen som den er , og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.

På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er". Seljar kan ikkje ta som den er atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.

Bodgjevarar får informasjon dersom andre bod er gjeve av ein som ikkje er forbrukar.

Forbrukarkjøp - definisjon:
Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd.

Forbrukar - avtalevilkår:
Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte.

Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel.

Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm.

Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel).

Ikkje - forbrukar (næringsdrivande) definisjon:
Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.

Ikkje - forbrukar avtalevilkår:
Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld som den er , og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.

Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.

Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen.

I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.

Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.

Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.

Meklar tek ikkje ansvar for forseinkingar på el- eller telenettet.

Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva.

Kjøpar er utanlandsk statsborgar
Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av skatteetaten. Deretter vert skøytet tinglyst. Denne prosessen vil ofte medføre at oppgjer og utbetaling til seljar vert forseinka med nokre veker. Kjøpar må i desse tilfella enten ta atterhald i b od om forseinka utbetaling til seljar, eller vere budd på å dekke forseinkingsrenter. Kontakt ansvarleg meklar for informasjon før bodgjeving.

Diverse

Taksten legg til grunn at tidlegare rammeløyve med etablering av 4 leilegheiter i 2.etg og på loftet blir vidareført.
Delar av tomta mot aust vil ikkje følgje med i salet ( ca. 900 m 2) , denne vil bli utskilt før overtaking. Det er mogleg å kunne kjøpe denne utanom.

100% av aksjane i Reed Eigedom AS vert seld.
Generell informasjon om selskapet:
Selskap: Reed Eigedom AS
Org.nr.: 918822976
Stiftelsesdato: 27.02.2017
Føremål: Erverv, utvikling og utleige av fast eigedom.
Selskapsform: AS

Rekneskapsførar: Accountor AS

Det er 100 % av aksjane som blir tilbygg for sal/
overdraging. Dette får fleire konsekvensar i form av
ulik verdifastsetting, ulik skatteposisjon og ulikt
regelsett. Bodgjevarar/ kjøparar som er profesjonelle
må på eiga hand avklare slike forhold og vert
oppmoda til å engasjere eigne fagkyndige for
naudsynte avklaringar og sjølv bere kostnadar knytt
til dette.

Ansvarsforhold:
Salsoppgåva er ikkje uttømmande. Innhaldet er
basert på innhenta opplysningar. Meklar kan likevel
ikkje garantere at prospektet ikkje inneheld feil og
manglar, og påtek seg ikkje ansvar knytt til dette.
Meklar påtek seg ikkje ansvar for eventuelle
økonomiske tap som følgje av nokon sin bruk av
salsoppgåva og informasjonen i denne.
Vi oppmodar alle bodgjevarar til å gå gjennom både
rekneskap, bygningane m.m med meir.

Pro & contra
Partane må sjølv avrekne kommunale avgifter samt leigeinntekter og liknande i samband med oppgjeret.
Dette inngår ikkje i meklar sitt oppgjer.

Kredittvurdering
Seljar reserverar seg rett til å foreta kredittvurdering av kjøpar

Ein gjer merksam på at bod som vert gjeve etternormal arbeidstid vert handsama/formidla
påfølgjande arbeidsdag.

Reklamasjonsfristen blir sett til 1 år etter overtaking.

Ansvarlig megler

Tordis Russøy