Viebøen | 5-roms familiebustad | Fremste rekke | Vestvendt & Solrikt | Carport | Sentralt | VISNING 22.08 kl. 17-18!

Eigedom

Tångane 3
6812 Førde

Om eiendommen

Tångane 3 ligg fint plassert i fremste rekke med fritt og vestvendt utsyn mot Førde. Eit svært populært og solrikt sameige på Viebøen med kort veg til Førde sentralsjukehus, høgskulen, barnehagar, Slåtten skue, daglegvarebutikkar og rekreasjons- og fritidsaktivitetar m.m. Til sentrum med alt av fasilitetar er det ca. 2,5 km.
Det er sol heile året og sommarstid er det sol frå ca. 10 til 22.30.

Vestvendt terrasse på 20 kvm med skjerma hage, samt balkong på ca. 8 kvm
Parkering i carport
Varmekablar i entrè, stove, kjøkken, bad og wc. I tillegg er det klebersteinsomn i stova
Fire soverom i same etasje, der tre har plass til dobbeltsenger
Romsleg heilflisa bad med boblebadekar og dusj. I tillegg er det gjestetoalett i 1. etasje
Stor, skjerma stove med plass til to større sitjegrupper

Innhald

Leilegheita går over to plan med følgande innhald:
1. etasje: Entrè, kjøkken, stove med trapperom til 2. etasje, vaskerom og wc.
2. etasje: Gang med trapp, fire soverom og bad.

Det er i tillegg sportsbod ved inngangspartiet og parkering i felles carportanlegg.

Standard

Hovudetasje:
Via overbygd og trappefritt inngangsparti kjem ein inn i entrè/gangareal med flislagt golv med varmekablar. På veggane er det måla strier og i himling er det takess med LED-spottar. Rommet har praktisk skåpløysing frå IKEA av typen Algot med god plass til yttertøy og sko. På høgre hand er det tilkomst til vaskerom som også har eigen bi-inngang. Rommet har belegg på golvet, mdf-plater på veggane og takess i himling. Vaskerommet er godt innreiia med open veggseksjon med korger, heng m.m. frå IKEA. Det er uttak for vaskemaskin, plass til tørketrommel, behaldar for sentralstøvsugar, sikringsskåp med automatsikringar, skyljekar, varmtvasstank og fordelarskåp for røyr-i-røyr som er gjennomgåande i heile husværet.

Gjestetoalett med tilkomst frå gangareal ligg plassert under trappa til 2. etasje. Rommet har flislagt golv med varmekablar, mdf-plater på veggane og takess i himling. Innreiing med klosett, servant med underskåp og spegel. Det er tilkomst til knekott under trappa frå gjestetoalettet.

Stova ligg praktisk plassert i hovudetasjen og har god plass til fleire sitjegrupper. Her er det parkett med varmekablar på golvet, måla strier på veggane og takess med LED-spottar i himling. Det er i tilegg stor klebersteinsomn som varmar godt i stova.
Frå stova er det utgang til delvis overbygd terrasse med god plass til hagemøblar, samt skjerma grøntareal med plen og beplanting.

Kjøkkenet har innreiing med eikefrontar og fliser mellom laminert benkeplate og overskåp. Platetopp og steikeomn er frå byggjeåret av typen Husquarna. Kjøleskåp og oppvaskmaskin er frå Samsung og Siemens og var nytt i 2021. God plass til spisebord på kjøkkenet og vegg mellom stove/kjøkken er lettvegg som potensielt kan fjernast for ei opa stove/kjøkken løysing.

2.etasje:
Via trapp kjem ein opp i mellomgang av god storleik. Her er det parkett på golvet, måla strier på veggane og takess i himling. Skåpinnreiing frå IKEA følgjer med i salet. Frå mellomgangen er det tilkomst til kaldtloft med svært gode oppbevaringsmoglegheiter. Det er andre bustader i sameiget som har sett inn trapp og innreiia dette loftsarealet, men grunna takhøgda vil ikkje rommet ha målbart areal.

Alle soveromma i bustaden er plassert i 2. etasje. To av romma har belegg på golvet, eit har laminat og eit har belegg. På veggane er det måla strier og mdf-plater og i himlingane er det takess. Hovudsoverommet har god plass til dobbeltseng og er innreiia med skyvedørsgarderobe. Frå hovudsoverom er det tilkomst til vestvendt balkong på ca. 8 kvm. Soverom 2 og 3 har også plass til dobbeltsenger og garderobeskåpa som står på romma følgjer med i salet.

Svært romsleg, heilflisa bad med varmekablar i golvet. Innreiing beståande av boblebadekar, vegghengt klosett med innebygd sisterne, dusjhjørne med hengsla, bua dører i glas og skåpinnreiing med vask og rundt spegel med to frittståande vegglamper. 


Omsetning av brukt eigedom
Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Byggjemåte

Bustaden er oppført på ringmur og fundament av betong. Golv i 1. etasje av betong. Etasjeskille av trebjelkelag.
Ytterveggar av bindingsverk med utvendig kledning av malt trepanel.
Skilleveggar mellom seksjonane av bindingsverk, utført som lyd-og branncellekonstruksjon.
Takkonstruksjon med saltakform med kaldloft, oppbygd av A-takstolar. Taktekking av betongtakstein og undertak av sutakplater. Takrenner og taknedløp av plast.

Vindauge med malte trekarmar med 2-lags glas.
Inngangsdør med teakfinerte overflater med 2- lags glas.
Ytterdør i vaskerommet med teakfinerte overflater.
Altandør i malt treverk med 2-lags glas.
Terrassedør i malt treverk med 2-lags glas.

Frå stova er det tilkomst til treterrasse med dekke av terrassebord, ca. 20m2.
Skjermveggar i trekonstruksjon med kledning av malt trepanel.

Frå eine soverommet er det tilkomst til delvis overbygd altan oppført i trekonstruksjon med dekke av terrassebord, ca 8m2.
Over altanbjelkane er det lagt duk for vekkleiing av vatn.
Rekkverk i malt treverk.
Overbygd inngangsparti med betongplatting, ca. 5m2.

Ventilasjonen er basert på balansert ventilasjon med varmegjenvinning.
Sentralstøvsugar er installert.
Sanitæranlegg med røyr-i-røyr system og avløpsrøyr av plast.
Varmtvasstank på 198 liter frå 2005 er installert i vaskerommet.
Utvendig hagekran.

Elektrisk anlegg med det meste som skjult installasjon og sikringsskap med automatsikringar.
Belysning er delvis med downlights.
Fiber er installert.

Carport:
Seksjonen har parkeringsplass i felles carport.
Asfaltert dekke.
Ringmur av betong.
Ytterveggar av bindingsverk med utvendig kledning av trepanel.
Takkonstruksjon med saltakform oppbygd av takstolar. Over del av undergurten på takstolane er det lagt plater for oppbevaring. Taktekking av betongtakstein og undertak av sutakplater.
Elektrisk anlegg er installert.
Ladepunkt for elbil er installert.

Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Ole Andrè Roska, datert 06.08.2024, der enkelte bygningselementer har oppnådd tilstandsgrad 2 (TG2) og tilstandsgrad 3 (TG3). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova.

Følgande punkt har fått TG2 (avvik som kan kreve tiltak):
- Del av taktekkinga er mosegrodd, mosen bør fjernast for å førebygge skade på taktekkinga.

- Det er registrert randsone med muggsopp i sutakplatene, antatt som følgje av luftlekkasje i konstruksjonen og redusert ventilering av takkonstruksjonen.
I undertaket er det lokalt område med sopp som følgje av eldre lekkasje. Ved tidlegare sal vart det opplyst at lekkasjen skyldast skada takstein, og at skada takstein vart skifta. Det vart ikkje registrert fukt under synfaringa.

- Vinduet i eine soverommet tar i karmen, og bør justerast. Del av vindua har liten klaring mellom utvendig listverk og vassbrettet i underkant av vindua, listverket er difor meir utsett for fukt. Del av vindua har behov for utvendig vedlikehald med overflatebehandling.

- I nedre del av dørene er det mindre glis mellom dørbladet og karmen som følgje av skada pakning.

- Terrasseborda har behov for normalt vedlikehald med overflatebehandling.

- Det er ein mindre sprekk i betongplattingen, men det er ikkje registrert avvik med behov for utbetring per i dag.

- Rekkverket har høgde på ca. 90 cm, etter dagens forskrift er det krav til rekkverk med høgde på minimum 100 cm for nybygg. Rekkverkshøgde på 90 cm var innafor forskriftskravet på oppføringstidspunktet, og det er ikkje krav til utbetring av rekkverkshøgde. Rekkverket og terrasseborda har behov for normalt vedlikehald med
overflatebehandling.

- I 2. etasje er det målt høgdeforskjell i golvet på 10 mm over ein avstand på 2 meter.

- Det er ikkje framlagt radonmåling, og bygningen er ikkje utført med radonsperre mot grunnen. Normal utføring for byggeåret.

- Over sotluka er det riss i murpussa overflate på skorsteinen.

- På veggflata i dusjsona er det registrert nokre få flisfuger med riss i.

- Høgdeforskjell frå topp slukrist til golv/synleg membran ved dørterskel er under 25 mm i badet. Golv/synleg membran ved dørterskelen skal ligge minimum 25 mm over topp slukrist. Frå topp slukrist til golv/synleg membran ved dørterskelen er det målt høgdeforskjell frå 22-24 mm. Det er registrert lokale områder med bom i liminga på enkelte golvfliser, men det vart ikkje registrert lause fliser, og det er ikkje registrert symptom på at det er dårleg limheft mellom golvflisene og underlaget.
Elastisk fuge i overgangen golv/vegg i dusjsona har avvik i finish.

- Membran/slukmansjett ligg ikkje synleg i slukane og er difor ikkje muleg å kontrollere. Membranen har oppnådd meir enn halvparten av forventa brukstid med omsyn til alder. Minste forventa brukstid for smøremembran er normalt rundt 25 år.

- Det er ikkje synleg drenering frå sisterna til klosettet, og det er ikkje framlagt dokumentasjon på anna godkjent løysing.

- Veggplatene er normalt ikkje eigna materiale på veggflata i området bak og rundt skyllekaret i vaskerommet. Området bak og rundt skyllekaret er å rekne som våtsone, og skal utførast med fuktbestandig materiale. Platene kan vere behandla med fuktbestandig overflatebehandling, men det er ikkje framlagt dokumentasjon på overflatebehandling av platene.

- Høgdeforskjell frå topp slukrist til golv/synleg membran ved dørterskel er under 25 mm i vaskerommet. Golv/synleg membran ved dørterskelen skal ligge minimum 25 mm over topp slukrist. Frå topp slukrist til golv/synleg membran ved dørterskelen er det målt høgdeforskjell frå 20-28 mm.

- Det er brudd på ytterrøret til kaldtvatnet i kjøkkenet.

- Ventilasjonsanlegget er antatt med standard frå byggeåret, og har med omsyn til antatt alder oppnådd meir enn halvparten av forventa brukstid. Ventilasjonsanlegg for bustadhus har normalt ei forventa brukstid på 15-20 år.

- Varmtvasstanken har straumtilkopling via stikkontakt. Etter dagens forskrift skal varmtvasstankar på 1500W, eller meir vere direkte tilkopla til det elektriske anlegget for å hindre varmgang. Det var ikkje krav om direkte tilkopling på byggetidspunktet. Varmtvasstanken har oppnådd meir enn halvparten av forventa brukstid med omsyn til alder.

- Elektrisk anlegg er ikkje kontrollert i tilstandsrapporten, kontroll av godkjent elektroinstallatør/eltakst bør utførast. TG2 er sett med omsyn til at det ikkje er framlagt kontroll av det elektriske anlegget/eltakst utført i løpet av dei fem siste åra. Med omsyn til at det ikkje er framlagt kontroll/eltakst kan det ikkje utelukkast at det ikkje er feil, eller manglar på anlegget.

Samandrag frå eigenerklæringa til seljar:
- Små tilefeller av maur ved blomsterbed ved inngangspartiet.
- Har vore observert skjeggkre (svært lite) i byrjinga av hausten 2022.
- Ladeboks i carport.

Areal og fordeling per etasje

Primærrom: 124 kvm, Bruksareal: 124 kvm, Bruttoareal: 124 kvm, BRA-i: 124 kvm , TBA: 33 kvm
Alle rom er P-rom unnateke:

BRA pr. etasje:
1.Etasje:
2.Etasje:
3.Etasje:
Areala er henta frå tilstandsrapport utført av bygningskyndig og er i samsvar med NS 3940. Meklar har ikkje kontrollert areala.

Areal og fordeling per etasje

Totalt BRA 124 kvm består av:
- BRA-i (internt bruksareal): 124 kvm

TBA (terrasse-/balkongareal) 33 kvm


Det totale bruksarealet fordeler seg som følger:
Første etasje:
- BRA-i: 62 m² (Entrè, kjøkken, stove med trapperom til 2. etasje, vaskerom og wc)
Andre etasje:
- BRA-i:62 m² (Gang med trapp, fire soverom og bad) 

Areala er henta frå tilstandsrapport utført av bygningskyndig og er i samsvar med NS 3940. Meklar har ikkje kontrollert areala.

Parkering

Parkering i carport.

Hefte/servituttar

Grunndata
2020/1167097-1/200 Omnummerering ved kommuneendring
01.01.2020 00:00

2005/109545-1/200 Seksjonering
06.07.2005
opprettet seksjoner:
snr: 3
formål: Bolig
tillegsdel: Grunn
sameiebrøk: 135/3553
For øvrige opplysninger om grunndata, se den seksjonerte matrikkelenheten.

Tomt

Areal: 8 044 kvm, Eierform: Fellestomt
Tomtearealet som ligg ved seksjonen ligg vestvendt og er flott opparbeidd med ca. 20 kvm terrasse, måla leveggar, grøntareal med skjermhekk mot vegen, og asfaltert tunplass ved inngangspartiet mot aust. Sameiget sitt fellesareal er lettstelt og flott opparbeidd med grøntareal og leikeplass, samt asfalterte parkeringsplassar og gang- og trafikkareal.

Regulering/offentleg godkjenning

Regulert bustadområde for konsentrert småhusbebyggelse.
Link til reguleringsplan:
https://www.arealplaner.no/
4647/arealplaner/324

Veg, vatn, avlaup

Kommunal veg til sameiget sitt fellesareal.
Eigedomen er tilknytta kommunal vass- og avløpsanlegg via sameiget sine private leidningar.

Energimerking

Oppvarmingskarakter Oransje - Energikarakter C

Tilkomst

Lett tilkomst frå kommunal veg. Sjå ev. www.finn.no, eller kontak meklar for nærare opplysningar.

Oppvarming

- Klebersteinsomn i stova.
- Varmekabel i entrè, stove, kjøkken, bad og wc. Termostatane for varmekablane er skifta til smarte termostatar.

Kommunale avgifter

Kr. 20 856 pr. år
Inkludert eigedomsskatt og renovasjonskostnad SUM.

Faste kostnader

Straum og nettleige: ca. kr. 12.000,- i året.
Forsikring: kr. 7.000,- per år.
Forsikring på carportanlegget blir administrert av sameiget og seljar betaler for denne via felleskostnadane.

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Formueverdi

Formuesverdi som primærbustad kr 1 031 734 per 31.12.22
Formuesverdi som sekundærbustad kr 3 920 590 per 31.12.22
Ny eigar må pårekne ny likningsverdi med grunnlag i kjøpesum.

Formueverdien til ein eigedom er den som blir lagt til grunn ved formueskattlegging av bustad- og fritidseigedomar. Formueverdien vert berekna av Skatteetaten med utgangspunkt i ein berekna bustadverdi/marknadsverdi. Bustadverdien er basert på ein kvadratmeterpris ut frå statistikk frå SSB multiplisert med p-rommet til bustaden. Formueverdien på primærbustad utgjer 25% av berekna omsetningsverdien opp til kr. 10 000 000, og 70% av verdien over 10 000 000 (der bustadeigar er registrert i folkeregisteret pr. 1. januar). For sekundærbustad utgjer den 95% av berekna omsetningsverdi som då er andre bustader.

Ferdigattest

Det føreligg ferdigattest datert 15.05.2007 og ferdigattest tilbygg datert 29.02.2012. Desse ligg vedlagt.

Felleskostnader

417 pr. mnd. Inkluderar snørydding og drift fellesareal.

Opplysningar om sameige.

Sameie: Tångane Sameige, Orgnr.: 991231323
Forkjøpsrett: Nei

Med eigarseksjon meinast sameigedel i bebygd eigedom med tilknytta einerett til bruk av ein av fleire bustader eller andre brukseiningar i eigedomen.
Ingen kan direkte eller indirekte erverve meir enn to bustadseksjonar i eit bustadsameige jf. eigarseksjonslova § 23. Dersom det har funne stad eit erverv som er i strid med reglane i eigarseksjonslova kan Kartverket nekte overskøyting. Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting.

Rekneskap/vedtekter

Kjøpar vert oppmoda til å setje seg inn i rekneskap, vedtekter og evt. husordensreglar. Kjøpar godkjenner som bindande for seg sameiget sine vedtekter og husordensreglar herunder evt. reglar om husdyrhald.

Forretningsførar/rekneskapsførar

PWC.

Godkjenning/forkjøpsrett

Det er ikkje krav til styregodkjenning av ny eigar, og det er ikkje forkjøpsrett i sameiget.

Legalpant

Sameige har legalpant for inntil 2G for dekking av ubetalte felleskostnader.

Utleige

Seksjonen kan i sin heilheit leigast ut til bustadføremål.

Radonmåling

Alle som leiger ut bustad må ha gjennomført radonmåling samt leggje fram dokumentasjon på at radonnivåa er forsvarlege. Dette kravet gjeld for alle typar utleigebustader samt leilegheiter og hyblar i tilknytning til eigen bustad.

Kvitevarer og tilhøyr

Kvitevarer som er integrert følgjer med, medan kvitevarer som ikkje er integrert følgjer i utgangspunktet ikkje med i handelen dersom ikkje anna er avtala, jamfør tilhøyrslista som ligg ved prospektet. Eventuelle lausøyre og tilhøyr som følgjer med i salet vert seld utan noko form for garanti, og seljar tek ikkje ansvar for standarden på desse.

Diverse

Seksjonseier med husdyr har ansvar for at disse ikke sjenerer andre. De har også ansvar for å plukke opp etter husdyrene.

Seljar har observert skjeggkre i bustaden. Skjeggkre er eit insekt som er i slekt med sølvkre. Det lever kun innendørs og trivast best ved høg fuktigheit, men samanlikna med sølvkre kan dei klare seg også i tørrare miljø. Skjeggkre er observert i bygg over heile landet, og mange av funna er frå nyare og moderne bustader. Sjølv om det per i dag ikkje er ein kjent metode for å utrydde skjeggkre, finns det tiltak som kan redusere antall skjeggkre betydeleg. Tilrådde tiltak er mellom anna bruk av limfeller og hyppig renhald for å fjerne tilgangen til næring. Skjeggkre gjer lite skade, men kan virke sjenerande.

Forsikring

Eigedomen er forsikra av seljar. Kjøpar må teikne bygg og innbuforsikring frå og med overtakingsdato. Interessentar som ønskjer tilbod om forsikring kan kontakte meklar.

Bustadseljarforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei begrensingane som følgjar av forsikringsvilkåra og er begrensa til salssummen til eigedomen, dog oppad begrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgjeving/kjøp. Bustadseljarforsikringa syt for at kjøpar kan halde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.

Bustadkjøparforsikring

Eigedomsmekling Sogn og Fjordane AS formidlar bustadkjøparforsikring frå HELP Forsikring AS. Dette er ei rettshjelpsforsikring som gir tryggleik og profesjonell juridisk hjelp dersom det vart oppdaga uventa feil og manglar ved bustaden. Ta kontakt med meklar for meir informasjon eller les meir om forsikringa på www.help.no.

Finansiering

Ønskjer du rask avklaring på finansielle spørsmål kan du ta kontakt med meklar som kan sette deg i kontakt med kunderådgjevar i Sparebanken Sogn og Fjordane. Meklar mottek ikkje godtgjersle for dette.

Kvitvasking

Kjøpar og seljar pliktar å bidra til at eigedomsmeklar kan gjennomføre tilfredsstillande kundekontroll etter kvitvaskingsregelverket og må difor mellom anna legge fram gyldig legitimasjon, eigenerklæring på PEP, samt få stadfesta midlane kjem frå. Dersom eigedomsmeklar ikkje får utført slik kontroll kan ikkje eigedomsmeklar gjennomføre oppdraget/handelen. Eigedomsmeklingsføretaket skriv frå seg alt ansvar for eventuelle økonomiske krav som måtte følgje av ovannemnde høve.

Eigedomsmeklar har plikt til å gjennomføre kundekontroll. Dersom kjøpar ikkje bidreg til at eigedomsmeklar får gjennomført kundekontroll, kan ikkje eigedomsmeklar gjennomføre transaksjonen. I eit slikt tilfelle mislegheld kjøpar avtalen med seljar/oppdragsgjevar. Etter 30 dagar er misleghaldet til kjøpar vesentleg. Dette gir seljar/oppdragsgjevar rett til å heve og gjennomføre dekningssal for kjøpar si rekning.

Bodgjeving

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no, via eigedomsmekling.no eller på bodskjema vedlagt salsoppgåva. Seinare bod kan gjevast per SMS eller via "gi bud" knappen på annonsa. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.

Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.

Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve.
Bod som vert gjeve etter normal arbeidstid vert handsama/formidla påfølgjande arbeidsdag.

Meklar tek ikkje ansvar for forseinkingar på el-eller telenettet.

Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. 



Ein syner elles til "Forbrukarinformasjon om bodgjeving", som også er ein del av salsoppgåva.

Kjøpar er utanlandsk statsborgar
Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av Skatteetaten. Deretter vert skøytet tinglyst. Denne prosessen vil ofte medføre at oppgjer og utbetaling til seljar vert forseinka med nokre veker. Kjøpar må i desse tilfella enten ta atterhald i bod om forseinka utbetaling til seljar, eller vere budd på å dekke forseinkingsrenter. Kontakt ansvarleg meklar for informasjon før bodgjeving.

Overtaking

Overtaking etter avtale. Legg inn ønskje om overtakingsdato ved bodgjeving.
Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Eigedomen vert seld etter reglane i avhendingslova

Eigedomen skal leverast til kjøpar i tråd med det som er avtala. Det er viktig at kjøpar set seg grundig inn i alle salsdokumenta, og med dette salsoppgåva, tilstandsrapport og eigenerklæringa frå seljar.
Kjøpar vert vurdert til å vere kjent med forhold som er tydeleg beskrive i salsdokumenta. Forhold som er beskrive i salsdokument kan ein ikkje gjere gjeldande ein mangel. Dette gjeld uavhengig av om kjøpar har lest dokumenta.

Alle interessentar vert oppmoda til å undersøkje eigedomen nøye, gjerne saman med fagkyndig før ein gjer bod. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga.
Dersom det er behov for avklaringar, tilrår vi at kjøpar rådfører seg med eigedomsmeklar eller ein bygningssakkyndig før det vert lagt inn bod.

Dersom eigedomen ikkje er i samsvar med det kjøparen må kunne forvente ut frå alder, type og synleg tilstand, kan det vere ein mangel. Det same gjeld dersom det er halde attende eller gjeve urette opplysningar om eigedomen. Dette gjeld likevel berre dersom ein kan gå ut frå at det har virka inn på avtalen at opplysningane ikkje var gjeve eller at feil opplysningar ikkje vart retta på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan bli avdekka enkelte forhold etter overtaking som gjer det naudsynt med utbetringar. Normal slitasje og skadar som gjer det naudsynt med utbetring, er innanfor det kjøpar må forvente og vil ikkje utgjere ein mangel.

Bustaden kan ha ein mangel dersom det er avvik mellom opplyst og faktisk areal, forutsett at avviket er på 2% eller meir og minimum 1 kvm.

Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel).

Dersom kjøper ikkje er forbrukar vert eigedomen seld "som den er", og ansvaret til seljar er då avgrensa jf. avhl. § 3-9, 1. ledd 2. pktm. Avhendingslova § 3-3 (2) vert fråviken, og vurderinga om eit arealsvikt innandørs skal karakteriserast som ein mangel vurderast etter avhendingslova § 3-8. Informasjon om undersøkingsplikta til kjøpar, med dette oppmoding om å undersøkje eigedomen nøye, gjeld også for kjøparar som ikkje vert vurdert som forbrukarar. Med forbrukarkjøp meinast kjøp av eigedom når kjøparen er ein fysisk person som ikkje hovudsakeleg handlar som ledd i næringsverksemd.

Seljar tek atterhald om å heve kjøpet sjølv om overtaking og overlevering av skøyte har funne stad, jamfør avhendingslova § 5-3 (4) og tinglysinglova § 21 (3).
Vert avtalen heva som følgje av manglande oppfylling frå kjøpar etter overtaking, vedtek kjøpar å fråvike eigedomen ved tvang i tråd med tvangsfullbyrdingslova § 13-2.