VIK | Velhalden og innhaldsrik landbrukseigedom med nyare bustadhus i Ovridsdalen | Mjølkekvote, støls- og jaktrett.

Velkommen til Øvregardane 539 - ein innhaldsrik og velhalden landbrukseigedom i naturskjønne Ovridsdalen, omlag 8 km frå Vik sentrum. Eigedomen ligg sørleg vendt på 340 moh, med triveleg gardstun og funksjonell driftsbygning som har vore nytta til sauehald inntil 2023. Bustadhuset var nytt i 2005, og er moderne innreia med gode kvalitetar i tradisjonsrik stil. I tillegg har ein kårhus med moglegheit for generasjonsbustad eller utleige.

Tunet består elles m.a. av eit eldre sjarmerande stabbur og ein garasje med hønsehus. Driftsbygningen kan nyttast til ulike formål og rommar i tillegg m.a. verkstad og lager. Med eigedomen føl det beiterett og støl i Smørdalen, jaktrett i felles vald og elles slåttemark, utmark og skog. Inntekter frå m.a. utleige av mjølkekvote.

Velkommen på visning!