Førde: 5-roms rekkehus i Vieåsen til leige

Vi leiger ut rekkehuset vårt i eitt år. Vi trivst svært godt her sjølv og gler oss til å kome tilbake. Om du leiger her får du bu i eit hyggeleg nabolag med vakker natur rundt deg! Bustaden ligg i eit bilfritt tun, som gjer det stille og roleg.

Om bustaden
Rekkehus i Indreåstunet med ny, stor nordvendt terrasse (2019) og 11 kvm sørvendt veranda ved kjøkkenet. Dette gir svært gode solforhold. Rekkehuset går over to etasjar og inneheld entre/gang med skyvedørsgarderobe, 4 soverom, bad, gjestetoalett og to boder i underetasje + ei utebod. I 2. etasje er det stue med god takhøgde, kjøkken, vaskerom og eitt soverom/kontor.

Bustaden ligg fint til med turområde i umiddelbar nærheit. Det er gangavstand til sjukehuset (13 min), høgskulen (15 min), matbutikk (15 min), barnehage (2 min) og skule (20 min). Det er ballbaner og fleire nærmiljøanlegg med eit rikt utval av aktivitetstilbod i nærområdet.

Kollektivt: Bybussen, 1-3 min gange til busstoppet.
Sykkel: Du kan sykle til det meste i sentrumsområdet herifrå.
Parkering: Vi har eigen carport med el-billadeanlegg. Gratis gjesteparkering.

Rekkehuset leigast ut møblert. Kva som blir ståande avtaler vi saman med leigetakar, vi er fleksible. I praksis kan du flytte inn utan å kjøpe eit einaste møbel, men vi har ikkje senger til alle soverom.

Internett er inkludert. Straum kjem i tillegg. Vedovnen varmar godt om de ynskjer å nytte dykk av vedfyring.

Depositum er to månadsleiger.

Ta kontakt med litt info om deg/dykk eller om de har spørsmål.
Overtaking kan skje i midten av august eller 1. september.

Helsing
Emil Fagerli og
Sunniva Thingnes Leira