Treungen - Sentrumsnære og store bustadtomter

Frå Treungen sentrum, køyr 2 km. mot sør på RV 41 i retning Haugsjåsund. Damkollen bustadfelt ligg på venstre side, etter bensinstasjonen Best.

Det er om lag to kilometer til sentrum, som tek ca. tre minuttar med bil og ti minuttar med sykkel.

Damkollen bustadfelt ligg fint til sør i Treungen, i Nissedal kommune.

Området er barnevenleg med gang-og sykkelsti frå Damkollen til sentrum, idrettsanlegg, skule/barnehage og kulturtilbod. Areala er forholdsvis flate, så det er lett å ta seg fram. 
Tomtene ligg berre eit "steinkast" unna den gamle toglina, som er ypperleg til tur- og sykkelløype. 

Visning

Ta kontakt med Nissedal kommune, tlf. 35 04 84 00 eller send e-post til postmottak@nissedal.kommune.no, om du er interessert, vil ha visning eller meir informasjon om tomtene.

Nissedal kommune har seks sjølveigartomter for sal i Damkollen bustadfelt:

• B15 - 1: 3.430 m2 - selt
• B15 - 2: 4.000 m2
• B15 - 3: 3.430 m2
• B15 - 4: 3.800 m2
• B15 - 5: 3.340 m2
• B15 - 6: 3.970 m2

Tomtene vil bli frådela med eiget gards- og bruksnummer.

Alle tomtene er store, sentrale og ligg idyllisk til med Nisser/Storåna rett ved, og tillegg er det utsikt rett mot Skuggenatten. 

Tomtene er ikkje opparbeida, men det er lagt ny asfaltert veg fram til tomtegrense.  Opplegg for straum, fiber, vatn og kloakk ligg klart ved tomtegrense. 

Bustadfeltet er hovudsakleg flatt og har naturvegetasjon. I nærområdet er det hovudsakleg einebustadar som ligg spreidd.

Pris for tomt: 
Det er same pris for kvar enkelt tomt, kr 375.000. Tomtene blir selt fortløpande. 

Omkostningar

• Kr 9.375 (2,5% dokumentavgift av kjøpesum)
• Kr 585 tinglysingsgebyr skjøte
• Kr 585 tinglysingsgebyr pantedokument per stk.

Oppmåling av tomt
I tillegg må kjøpar betale for frådeling og oppmåling av tomta. 

Oversikt gebyr 2022:

Frådelingsgebyr kr 4.000.

Oppmålingsgebyr:

• Areal 0 - 2000 m2 kr 14.000
• Areal frå 2001-4000 m2 kr 16.200

Det takast atterhald om endringar i avgifter og gebyr.

Tinglysing

Skøyte blir tinglyst på ny eigar når kjøpesum, omkostningar, frådelingsgebyr og oppmålingsgebyr er betalt.

Opplysningsplikt og eigedomen sin tilstand

Seljar har plikt til å opplyse om skjulte og/eller openbare feil og manglar ved eigedomen som han kjenner eller burde kjent til. Kjøpar kan ikkje gjere gjeldande manglel som han blei kjent med eller burde bli kjent med på synfaring. 

Eigedomen seljast etter reglane i avhendingslova.

Regulering

Eigedomen høyrer til reguleringsplanen " Treungen Sør", planid. 2012002. 
Lenkje til reguleringsplan, føresegner og kart finn du i denne annonsa. 
Me forutser at kjøpar set seg inn i vedteken reguleringsplan.

Ved spørsmål om reguleringsplan ta kontakt med plankontoret.

Grunnboksinformasjon

Heimel til eigedomsrett, 1976/34-1/34: Nissedal kommune

1976/34-2/34 blei det tinglyst erklæring/avtale "Bestemmelser om at deler av eiendommen / påstående bygninger / tilbehør / rettigheter, er unntatt bestemmelser om gjerdeplikt"