Tomter for sal i Fusa

Bustadtomter for sal i Opsalmarka

Tomter for einebustad og tomannsbustad er no til sals. Feltet består av 6 tomter for tomannsbustadar og 5 tomter for einebustadar. Areal på tomtene er noko varierande, men tomannsbustadtomtene er på ca. 750-1100 kvm. Einebustadtomtene er på ca. 950 kvm til 1,2 mål. Prisane er faste: Einebustadtomtene kostar 600 000 kroner, medan tomannsbustadtomtene kostar 1 000 000 kroner. I tillegg kjem tinglysingsomkostningar. Kjøpar må sjølv betale tilkoplingskostnader for vatn og avløp (VA) og andre eventuelle avgifter.

Feltet er ferdig regulert til bustadføremål, og reguleringsplanen er vedlagt.

• Nedre del av feltet ligg under reguleringsplanen Opsalmarka bustadfelt vesentlege reguleringendringa, vedteken reguleringsendring frå 15.12.2010.
• Øvre del av feltet høyrer til reguleringsplanen Opsalmarka bustadfelt, vedteken 25.06.1998.

Området

Bustadfeltet har kort veg til skule, barnehage, butikk og offentleg transport. Tomtene ligg nær sjøen og har utsikt mot vest, noko som gir gode solforhold. Området er barnevenleg og ligg i nærleiken av ein fotballbane. Det er også kort veg til Framo Fusa, ein stor arbeidsplass i området. Her finn du gode moglegheiter for bading, flotte turområde og fleire fiskeplassar.

Andre tomter i kommunen

Bjørnafjorden kommune har også bustadtomter for sal i Stallabrotet og på Haugen i Sævareid. Ta kontakt for meir informasjon.