Osnestunet

I Osnestunet kan du bu heile livet!

Her vert det moderne, flotte og arealeffektive leilegheiter med gode kvalitetar og gjennomtenkte løysingar midt i sentrum av Nordfjordeid. Det blir parkeringskjeller og heis til etasjane.

Osnestunet får eit skjerma gardsrom på bakkeplan, ein stad for hygge og leik for alle i tunet.
Leilegheiter med balkong mot sør vil ha utsyn til fjellheimen og mot fjorden over felles terrasse. Mot vest er det planlagt innglasa balkongar som gjev deg eit ekstra rom du kan nytte heile året!

Soltilhøve vil naturleg variere for leilegheitene, men i stor grad blir det gode tilhøve for sol, store delar av sommardagen! Leilegheitene er planlagt med energieffektive løysingar og god standard.

Beliggenhet

Osnestunet ligg sentralt til, midt i Nordfjordeid sentrum og du har kort gåavstand til handelssenter, daglegvarehandel, parkområder, restauranter og kaféer. Det er også gangavstand til fritids- og kulturtilbod, skular og barnehagar.
Det er meget enkel adkomst til Osnestunet via Sjøgata.

Generell orientering

Det er leilegheiter som vender vestover og leilegheiter som vender sørover.

Garasje/parkering

Bygget er planlagt med parkering i underetasje, med nedkjøringsrampe frå offentleg parkeringsareal i sør. Det er moglegheit for parkeringsplass til kvar bueining og resterande plassarvert disponert av utbyggjar/Osnestunet AS og disponerast til næringsarealet.

Parkeringsplassane er reservert på den einskilde leilegheit, sjå parkeringsoversikt (prisliste) over kva parkeringsplassar som er reservert dei respektive leilegheiter. Dei som har reservert plassar må ta stilling til om dei ønskjer å kjøpe plassen på tidspunkt ved kjøp av leilegheit. Om ein ikkje ønskjer å nytte seg av reservasjonen, står utbyggjar fritt til å selje denne til andre.

For leilegheiter som har fått reservert HC plass, er det viktig å merke seg at styret skal administrere ei byteordning som sikrar at personar med nedsett funksjonsevne får tilgang til ein tilrettelagt plass. Styret har plikt til å pålegge ein eigar av ein seksjon som eig ein slik HC- plass, og ikkje har behov for denne, å bytte plass med ein som har nedsett funksjonsevne. Det vert forutsett at den som blir funksjonshemma disponerer parkeringsplass i eigarseksjonssameiget og at denne plassen vert stilt til disposisjon til den som gjennom denne byteretten må gi frå seg plassen sin.

Parkeringsplassar og boder vil bli tildelt av utbyggar. Vidare er det avsett plassar til sykkelparkering. Sjå
parkeringsoversikt og utomhusplan. Parkeringsplassar og manøvreringsareal er prosjektert etter minimumsanbefalingar i NBI (Byggforsk).

Tilkomst frå leilegheitene til parkeringskjellar via heis og trapperom.

Veggar, søyler og himling i garasjekjellar blir i hovudsak levert i ubehandla betongoverflate, støvbunden (overflater vert ikkje av sparkla og malt kvalitet). Køyre- og parkeringsareal vert levert med asfalt. Det vil førekomme synlege avløpsrøyr, ventilasjonskanalar, elektriske kablar osv., på veggar og i himling. Ansamlingar av vatn på parkeringsdekke vil førekomme som følgje av avrenning frå bilar mv. Parkeringskjellar er å rekne som eit uteområde og kondensering vil førekome.

I garasjekjellaren vil det bli tilrettelagt for ettermontering av ladeboks til El-bil for kvar parkeringsplass. El-bil lading går på fellesanlegget og må administrerast via eit adminstrasjonssystem, brukarsystem og betalingssystem i eitt. Systemet blir levert av ekstern aktør og utbyggar vil velje leverandør på vegne av sameiget før innflytting. Det må monterast lik type el-billadar i sameiget. Det blir levert trådlaust nettverk i garasjekjellaren. Kvar leilegheit får utdelt 1 fjernkontroll til garasjeporten. Det er også offentlege parkeringsplassar i sentrum Seljar tek atterhald om retten til å organisere parkering og boder på den måten som han ser som mest hensiktsmessig, til dømes som ein del av sameiget sitt fellesareal med dertil tilhøyrande bruksrettar, seksjonert som tilleggsareal til den enkelte seksjon eller som særskilt anleggseigedom.

Konstruksjon

Sjå leveransebeskrivinga lenger bak i prospektet for beskriving av byggjemåte.
Med dagens tette bustader og miljøvennlege målingstypar kan det vere fare for heksesot inne i bustadene. Alle bustader bør difor ventilerast godt den første vinteren/året, og ein bør vere forsiktig med gassbruk og levande lys innvendig.
I nye bygg vil det normalt oppstå svinnriss, sprekkar i tapet, maling og så vidare ved skøyter og samanføyingar, dels på grunn av uttørking av materialer. Det vert påpeika spesielt at sprekkar i materialovergangar og mellom tak og vegg og i hjørner ikkje kan bli forlanga utbetra, så lenge desse ikkje inneber avvik frå god handverksmessig standard.
Seljar kan gjere naudsynte og/eller mindre hensiktsmessige endringar i spesifikasjonane, til dømes som følgje av offentlegrettslege krav og manglande tilgjengelegheit, så lenge dette ikkje reduserer føresett standard på bustaden. Slike endringar utgjer ikkje ein mangel, og gir ikkje kjøpar rett til prisavslag eller andre sanksjonar.
Teikningar og illustrasjonar i prosjektet og teikningsmaterialet er kun av illustrativ karakter. Ved eventuelt avvik gjeld leveransebeskrivinga framfor prospektet og teikningar.
Innkassing av tekniske installasjonar som ikkje går fram av kontraktsteikningane kan førekome.
Seljar informerer om at det kan førekome, og kjøpar må akseptere, mindre endringar i forhold til arkitektteikningar og byggjebeskrivingar. Kjøpar pliktar likevel ikkje å akseptere endringar som reduserer verdien av bustaden.
Det kan førekomme avvik mellom byggjespesifikasjon og planteikningar. I slike tilfelle er det alltid byggjespesifikasjon som er retningsgivande. Dersom det er avvik mellom prospekt/internettside og leveransespesifikasjon, er det den endelege leveransespesifikasjonen i kontrakten som gjeld. Omfanget av leveransen er avgrensa til denne.

Organisasjonsform

Leilegheitene vil bli selde som sjølveigarleilegheiter og organisert som eigarseksjonssameige og følgjer lov om eigarseksjonar. Lova kan ein få ved å ta kontakt med meklar eller ved å gå inn på www.lovdata.no.

Seksjonsnummer vert bestemt i samband med seksjonering. Det er totalt 17 bustadseksjonar og ein (eller fleire) næringsseksjonar i sameiget.

Det kan skje ei omprosjektering som kan medføre endring i tal bueiningar i sameiget. Om det som følge av dette vert naudsynt å føreta ei reseksjonering av sameiget seinare, er kjøpar pliktig å godta dette.

Kjøpar får skøyte på sin seksjon som inneheld eksklusiv bruks- og disposisjonsrett til eigen bustad. Kvar seksjon vil få ein sameigebrøk tilsvarande sitt areal i forhold til samla areal.
Seljar tek atterhald om at seksjoneringa vert godkjent av Stad kommune. Seksjonering kan ta tid som følge av lang sakshandsamingstid hjå kommunen.

Sameiget vil bli leia av eit styre som vert valt mellom eigarane. Dette styret skal ivareta alle saker som er av felles interesse for sameigarane. Seljar vil på vegne av sameiget engasjere ein forretningsførar til å stå for drifta av sameiget innanfor dei rammene som sameiget vedtek. Ved kjøp av bustad i dette prosjektet vert kjøpar deleigar i sameiget.

Det er ikkje valt forretningsførar for sameiget. Utbyggar vel forretningsførar for ein periode på to år ved etablering av sameiget. Vidare må sameiget ta stilling til val av forretningsførar når det er etablert.

Den einskilde seksjonseigar heftar for felles ansvar og plikter etter sameigebrøken. Sameiget har legalpant for inntil 2G for dekking av ubetalte felleskostnader, jf eierseksjonlova §§ 30 og 31.

Ingen kan direkte eller indirekte erverve meir enn to bustadseksjonar i eit bustadsameige jf. eigarseksjonslova § 23. Kjøpar er ansvarleg for at kjøpet ikkje er i strid med eigarseksjonslova. Dersom det har funne stad eit erverv som er i strid med reglane i eigarseksjonslova kan Kartverket nekte overskøyting.
Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting. In-blanco skøyte vert ikkje akseptert.
Bustadene vert organisert som eit sameige etter Eigarseksjonslova av 16. juni 2017. Det er utarbeidd utkast til vedtekter som regulerer forholdet mellom seksjonane. Kjøpar får tinglyst skøyte på seksjonen sin. Som eigar av ein seksjon blir kjøpar eigar av ein ideell del av tomtearealet og bygningsmasse tilsvarande
eigarbrøken. Denne vert berekna ut frå storleiken på bustaden (BRA). Kjøpar har eksklusiv bruks- og disposisjonsrett til eigen bustad, og bruksrett til fellesareala til sameiget.

Betalingsbetingelser

10 % ved underteikning av kontrakt
40 % ved tett hus
40 % ved klart til måling
10 % ved overtaking

Tomt

Naboeigedomane, gnr/ bnr. 44/ 48 Osneshuset) og gnr/ bnr. 44/ 2 (Klemmekroken) skal ha rett til å nytte
deler av uteområdet på sameigeområdet til Osnestunet. Dette blir tinglyst på eigedommen.

Kjøpar er kjend med at utomhusarbeid, avhengig av årstid, vil kunne bli ferdigstilt og overtakingsforretning for desse halde etter at forbrukaren har teke over bustaden.
Seljar kan også gjere mindre endringar på utomhusarealet som følgje av offentlegrettslege krav, så lenge det ikkje forringar verdien og nytten av utomhusarealet.
Den einskilde seksjonseigar disponerer og vedlikeheld utomhusarealet som naturleg ligg til sin seksjon.
Køyreareal i parkeringskjellar med trappeløp, heisar og gangareal vert fellesareal.

Køyreareal i parkeringskjellar med trappeløp, heisar og gangareal vert fellesareal.

Mellom nord- og vestdel i 2.etasje er det ein felles uteplass i tilknyting til svalgangen.

Bustadelen er planlagt med innglasa balkongar mot vestsida. Bygningsforma dannar eit gardsrom som er
skjerma frå sjøgata.

Oppvarming

Vassboren golvvarme i stove, kjøkken, entre og soverom. På bad blir det elektriske varmekablar som regulerer temperaturen raskare. Det vert montert fordelarskåp for golvvarme i kvar leilegheit. Romtemperaturen vert regulert med termostatar. Varmen blir levert via fjernvarmeanlegg (). Det vert montert energimålar i kvar leilegheit for avlesing av energiforbruk for oppvarming. Det vert også målarar der ein kan lese av forbruket av varmt tappevatn (forbruksvatn). Målarane kan fjernavlesast av sameige.

Vedtekter

Det er utarbeidd vedtekter for sameiget, desse ligg vedlagt i salsoppgåva. Vedtektene vert gjeldande fram til sameigemøte evt. vedtek endring. For å endre vedtekter er det krav om 2/3 fleirtal.

Iflg, vedtektene skal overdraging og utleige av seksjon meldast styret for godkjenning. Godkjenning kan berre nektast når det ligg føre sakleg grunn til det.

Hvitvaskingsregelverk

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Fremdriftsplan og ferdigstillelse

Forventa byggjetid for byggjesteg 1 er ca. 21 mnd frå oppstart betong. Utbyggjar tek atterhald om minimum 70 % sal i byggjesteg 1 før oppstart, samt at prosjektet blir godkjent av offentlege myndigheiter.
Seljar har frist til å få avklart atterhalda i prospektet. Etter denne dato kan begge partar med skriftleg varsel til den andre parten gå frå avtalen utan at det fører til nokon form for kompensasjon for nokon av partane.
Når seljar har oppheva atterhalda skal seljar fastsetje ein overtakingsperiode som ikkje skal vere lenger enn 3 månader. Seljar skal skriftleg varsle kjøpar om når overtakingsperioden startar og når den sluttar.
Seinast 10 veker før ferdigstilling av bustaden skal seljar gi kjøpar skriftleg melding om endeleg overtakingsdato. Den endelege datoen er bindande, løyser ut krav om dagmulkt og skal liggje innanfor overtakingsperioden. Ved overtaking skal det liggje føre ferdigattest eller mellombels bruksløyve. Ved overtaking mot mellombels bruksløyve pliktar seljar å leggje fram ferdigattest innan rimleg tid og seinast før mellombels bruksløyve går ut på tid. I slike tilfelle har kjøpar krav på å halde attende ein forholdsmessig del av vederlaget til sikkerheit for at ferdigattest vert gjeve. Alternativt kan seljar stille §47 garanti som sikkerheit for dette høvet. Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking.
Ved overtaking vil kjøpar få tildelt FDV- dokumentasjon som syner kva material, produkt og fargeval som er nytta, og i tillegg adresselister med oversikt over kontaktpersonar/firma som er ansvarleg for dei forskjellige arbeid og vedlikehald.