KONSEPTHYTTE TEIKNA AV -JK ARKITEKTUR- HØGAKRÅKO

Generelt

Kråko: Halvannan time med bil nordover frå Haugesund eller rett søraust frå Bergen, finn du denne kystperla Kråko. Kråko ligg i Fitjar, og er sjølve døme på det vakre og ville vestnorske kystlandskapet.
Kråko ligg på ei halvøy cirka 4 km sørvest for Fitjar sentrum. Med store delar av området vendt mot den idylliske Hellandsfjorden, og den motsatte delen vendt vestover mot Fitjarøyene og den indre skipsleia, innbyr Kråko halvøya til eit aktivt og mangfaldig hytteliv.

Her skal Valvatne Bygg byggje moderne arkitektteikna hytter med utsikt over den vestnorske skjergarden. JK Arkitektur i samarbeid med Valvatne Bygg tenker nærleik til naturen, difor er det fokusert på å skape dette gjennom store vindaugsflater som binder saman hytta og dei einskilde romma med området utanfor. Hyttene framstår med detaljar som gir dei estetiske kvalitetar og bidrar til forsiktig variasjon. På denne måten vil dei både opplevast som ein del av det omkringliggande kystlandskapet, samtidig som dei tilfører nye arkitektoniske kvalitetar til omgivnadene.

Her vert no lanserte 9 tomter med tilhøyrande hytter. Det vil vere veg fram til alle hyttene, og i gangavstand til hyttene vil det også etablerast naust og båtplassar, med utstrekt tilgang og moglegheiter for fritidsaktivitetar.

Port Steingard: Berre eit steinkast frå området Valvatne Bygg no utviklar, finn ein "hjarta" på Kråko, Port Steingard. Her er fritid og næring plassert hand i hand med gjestehamn, kafé, mikrobryggeriet ELØ og Fitjar Islands som produserer såpe og barberprodukt med duftar som er inspirert av det friske kystlandskapet kring Fitjar.

Tekst henta frå omtalen av utbygginga,Kråko.
Namnet «Port Steingard» har utspring i det gamle namnet på denne staden: Steingardseid. Her var ein lang steingard som gjekk tvers over det smale eidet frå Hellandsfjorden til Steingardseidosen. Det var ingen kanal i dei dagane, den har vorte bygd etter at vi tok til å utvikla Kråko som sjøhytteområde. Port spelar på de norske ordet port, fordi hamna her er ein port som opnar seg mot opplevingar i Fitjarskjergarden, og på engelsk tyder port ”hamn”, så Port Steingard er både ein port til nye eventyr, og ei hamn å koma heim til.