To flotte prosjekterte HEDDA hytter

Om området

Dei prosjekterte HEDDA hyttene ligg midt i eit natureldorado med flotte turområde, både sommar og vinter. Tomtene har utsikt mot Mosvatnet, Skuteheia og Reinsnuten. På vinteren har ein tilgang til milevis med skiløyper like utanfor hyttedøra. Det finst både preparerte løyper og kvista løyper samt lysløype og skileik, og det er kort avstand til Gullingen Skisenter. Når det ikkje er snø er det mange godt merka turstiar i området, og det er gode muligheter for lange sykkelturar innover anleggsvegen mot Sandsavatnet og Blåsjø.

Frå Åsliane tek det ca 25 minutt å køyre til strandstaden Sand og Suldal bad. På Sand finn ein eit variert tilbod av butikkar, kaféar, småbåthamn, laksestudio, Ryfylkemuseet og kulturhus med kafé, bibliotek, kino og bowling. Det flotte symjeanlegget Suldal Bad kan freista med 25 meters basseng, terapibad, stupetårn, vannsklie, utandørs boblebad og kafè.

Om HEDDA hytta

HEDDA hytta er solid forankra i norsk byggeskikk og framstår som ein moderne klassikar med høg arkitektonisk verdi.

Begge HEDDA hyttene har 3 soverom og gode planløysingar. Hyttene har kjøkken som ligg i open løysing mot stova. I stova er det mulighet for plassbygd dagseng/sofa, og det er god plass til spisegruppe. Peisovn med innsyn gir god varme og lun atmosfære. Den opne himlinga går igjen i alle rom noko som gir ei god romkjensle. Vindusflater i gjennomgåande vindusrekke gir ein fantastisk utsikt, samtidig som det gir godt med lys. Hyttene har overbygd inngangsparti, og frå stova er det utgang til overbygd terrasse.

Hyttene vert levert med vedovn, baderomsinnredning, kjøkkeninnredning (utan kvitevarer), terrasse framfor inngangsdør og ubehandla granpanel innvendig. Det er mange muligheter for å gjere tilvalg som t.d ferdig beisa panel, ferdig beisa utvendig, ekstra terrassar, plassbygd sofa/dagseng, plassbygde senger og garderobar m.m.

Tilknytningsavgift for vatn og kloakk kjem i tillegg.