Øyfjell

Ny einebustad for salg!
No kan du sikre deg ei av dei flottaste tomtene i det kommmunale byggefeltet i Øyfjell med eit moderne, brukarvenleg, vedlikehaldsenkelt og energieffektivt bustadhus med dobbel carport.

Prisen i annonsa er for elektrikerklart bygg, ferdig utvendig.
Ferdigstilling av huset innvendig med pris på nøkkelferdig løysing kan ordnast.

Huset er over eit plan med to bad, fire soverom og ei moderne romløysing. Det er i tillegg adkomst til eit loft på 52m2 via loftstige for lagerplass.

Bustaden vert bygd med moderne teknikkar, med SIP-teknologi er det eit lågenergihus med framtidsretta oppvarmingsbehov. Planlagt hovudvarmekjelda er vedovn i kombinasjon med inneklimasentral som i tillegg til å sikre sirkulasjon av friskluft i huset har innebygd varmepumpe som varmar både inneluft, tappevatn og gulvvarme.

Den store tomta på 2,4 mål gjev store mulighetar for å utvikle området etter eige ønske.
Eigendomen i utgangspunktet ei naturtomt, det arealet som vert berørt av bygging vert grusa/lagt på jord og sådd til.

Huset egnar seg svært godt for familiar, men kan også vere eit perfekt hus for einslege eller godt vaksne med behov for ekstra soverom, kontor eller liknande.

Det skal nyttast vedlikeholdsenkle løysingar utvendig slik at det vert eit bekymringsfritt hus å halde; utvendig furukledning ferdig behandla med jernvitrol frå Øyfjell Sag AS, lakkerte stålrenner og beslag, aluminiumskledde vindu med og trykkimpregnerte terassedekker.
Alle materialvalg er gjort med tanke på lang levetid.

Beliggenhet

Eigendommen ligg i Øyfjell kommunale bustadfelt ved Kyrkjevegen. Feltet ligg syd og vestvendt med svært gode solforhold heile året, med gangavstand til barnehage, barneskule og matbutikk. Lysløypa i bygda går rett ved tomta, så her kan du spenne på deg skia heime.

Fritidstilbudet i Øyfjell er bredt, i tillegg til turmulighetar i terreng og langs veg er aktiviteten stor og tilbuda mange ved oppvekstsenteret der barneskulen og grendehuset ligg. Her er kulturskule, kettlebell, innandørs skytebane, karateklubb, sangkor, fatbikeløyper og kommunalt løypenett for fridtidskøyring med snoskuter.
Kommunen kan ellers by på gode jakt- og fiskemulighetar.