ODDA OG OMLAND FAGLIGE SAMORGANISASJON 75 ÅR

1914-1989 ODDA OG OMLAND FAGLIGE SAMORGANISASJON 75 ÅR samhold gjør sterk.

I 1914 vart Odda & Omegns faglige Samorganisation stifta av dei lokale fagforeningane. Dei hadde behov for eit lokalt felles- organ for dei fagorganiserte. Denne samorganisasjonen var ein av dei første i landet, og slutta seg til Fagopposisjonen av 1911. I jubileumsåret 1989 vedtok Representantskapet å lage og gje ut denne Jubileumsboka. Mange har gjort ein stor innsats for å få dette til ilag. Vi vil takke alle som har bidratt både med innhaldet, det tekniske og økonomisk. Vi vonar at mange vil lesa og diskutere boka og lære av historia. Boka bør spore til auka interesse for historia til fagrørsla og arbeidsfolket. Helsing Odda og Omland faglige Samorganisasjon

Denne jubileumsboka er den første samla framstillinga av historia til fagrørsla i Odda- distriktet. Ved siden av historia til Odda og Omland faglige Samorganisasjon gjennom 75 år, presenterer også kvar fagforening seg med fane og historikk i denne boka. Alle fagforeningsfanene i fargetrykk er eit viktig arbeidarkulturminne, og er kome istand med støtte frå Norsk Kulturråd. Elles har både Odda Kommune, lokale bedrifter, Landsbanken og ikkje minst dei lokale fagforeningane og deler av fagorganisasjonen sentralt, gitt økonomisk støtte som har vore avgjerande for å få til denne utgjevinga. Boka er gitt ut av Odda og Omland faglige Samorganisasjon. Arbeidsutvalet har vore redaksjonskomité.

Den 14. oktober 1989 vart Smeltar-monumentet avduka i Odda sentrum. Anleggsarbeidet for kraft- og industriproduksjon kom igong i Skjeggedal, i Tyssedal og i Odda frå 1906. Same året vart dei første fagforeningane stifta. Industriproduksjonen kom igong i 1908. Den lokale fagrørsla har heilt frå starten vore radikal og aktiv. <<