Konsulent skog-, vilt-, jordbruk- og naturforvaltning

Om stillinga 

Har du lyst til å vere med i eit spanande og aktivt team på Plan, landbruk og teknisk i Gulen kommune? 

Me lyser no ut i inntil 100% fast stilling som konsulent innan skog-, vilt-, jordbruk- og naturforvaltning. Tilsetjinga kan vere deltid ned til 50%, dersom dette er ynskjeleg for den som vert tilsett. Arbeidsoppgåvene vil då verte redusert innan jordbruk- og naturforvaltning, og hovudfokuset vil vere på skog- og viltforvaltning. Oppstart er frå snarast/etter avtale med leiar. 

Velkomen som søkjar til eit triveleg og godt arbeidsmiljø! Ta gjerne kontakt med oss for meir informasjon om stillinga.

Me tilbyr 

• Godt arbeidsmiljø
• Spanande og varierte arbeidsoppgåver
• Gode moglegheiter til å utvikle deg, ta initiativ og styre eigen arbeidskvardag. Vi har fleksitid, og kan vurdere delvis heimekontorløysing ved behov.
• Hjelp til å skaffe bustad
• Gode forsikrings- og pensjonsordningar

Bakteppe

Gulen kommune er i rask utvikling, og eining Plan, landbruk og teknisk spelar ei viktig rolle i samfunnsutviklinga. Me er ei gruppe på 10 tilsette i eininga i dag. Fagområda i eininga generelt er byggjesak, kart og oppmåling, arealplanlegging, skog og jordbruk, viltforvaltning, vassressursforvaltning, miljø, klima og forureining. Vi arbeider som ei eining kor alle tilsette får innsikt i heilskapen i samfunnsutviklinga og brei fagkompetanse innanfor fleire av fagområda. Eininga skal delta aktivt i å møte behova i eit samfunn i rask utvikling. 

Det er særskilt to målsettingar frå kommunen sine overordna planar som set rammer for stillinga. Den fyrste er at kommunen i all utvikling særleg skal vurdere korleis det rike natur- og kulturlandskapet vert ivareteke. Vidare skal kommunen bidra til å sikre framtidige generasjonar ved å vere oppdatert på nyaste kunnskap og kutte utslepp i tråd med nasjonale mål.

Arbeidsoppgåver 

• Handsame søknader og forvalte tilskotsordningar innan landbruk-, vilt- og naturforvaltning
• Fylgje opp planar og drive prosjektstyring innan landbruk-, vilt- og naturforvaltning
• Drive informasjonsarbeid og bidra med kunnskap innan landbruk-, vilt- og naturforvaltning
• Vere pådrivar og jobbe aktivt for næringsutvikling i landbruket
• Handsame søknader om motorferdsel i utmark
• Fylgje opp forureiningssaker
• Fylgje opp naturmangfaldsplanen
• Oppdatere og fylgje opp klima- og miljøplanen
• Oppgåver kan endre seg/kome til i høve utdanning, ønskje og kommunen sitt behov

Kvalifikasjonar 

• Minimum 3-årig utdanning på høgskule- eller universitetsnivå innanfor relevant fagområde. Arbeidserfaring frå liknande arbeid kan kompensere for manglande utdanning.
• Arbeidserfaring frå eitt eller fleire av fagfelta er ein fordel
• God på å sette deg inn i nye digitale system
• Gode IKT- kunnskapar
• Gode norskkunnskapar, både munnleg og skriftlege
• Har førarkort klasse B

Personlege eigenskapar 

• Ha engasjement og interesse for viltforvaltning, landbruk, klima og miljø
• God samfunnsforståing
• Blir motivert av å kunne bidra til ei berekraftig, klima- og miljøvenleg samfunnsutvikling
• Gode kommunikasjons- og samarbeidsevner
• Kunne arbeide sjølvstendig og løysingsorientert
• Kunne bidra til eit godt arbeidsmiljø
• Å vere personleg eigna kan verte vektlagd ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar  
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkarjen høve til å trekke søknaden sin før offentleggjering