PP-rådgjevar

Kommunane Tokke, Fyresdal og Vinje etablerer eit nytt vertskommunesamarbeid for pedagogisk-psykologisk teneste (PPT), og søkjer fleire engasjerte pedagogisk-psykologisk rådgjevarar som er klare for spennande utfordringar.

I tråd med oppvekstreforma og auka fokus på tverrfagleg samarbeid i kommunal sektor, satsar me på å byggje eit sterkt lag rundt barnet. PP-tenesta vil vere ein sentral del av eit breitt og samansett fagmiljø, på tvers av verksemder og profesjonar. Me har stort fokus på førebygging og tidleg innsats, og me ynskjer å ha ei PP-teneste som er tett på, og som er synlege og til stades i barnehagar og skular.

Vinje kommune er vertskommune, og tenesta vil bli organisert under kommunalområdet for oppvekst. Hovudkontoret vil ligge i Åmot med arbeid ut i dei tre kommunane. Du vil møte dyktige og hyggelege medarbeidarar, i eit breitt fagmiljø på tvers av tenester og verksemder. Me tilbyr stor grad av sjølvstende og påverknadsmoglegheit. Relasjonskapasitet og samskaping er berebjelker i vår organisasjon. 

Arbeidsoppgåver

• System- og individretta rettleiing til barnehage og skular.
• Kartlegge og utgreie barn som har behov for ekstra hjelp og støtte.
• Sakkunnige vurderingar etter Opplæringslov, Barnehagelova og Lov om vaksenopplæring
• Delta aktivt med tidleg innsats og førebyggande arbeid inn i skular og barnehagar.
• Støtte barnehagar og skular med kompetanseheving og organisasjonsutvikling etter behov.
• Utvikle godt samarbeidsklima med aktuelle samarbeidspartnarar gjennom gode rutiner.
• Tilvising til og samarbeid med 2. linetenester
• Legge til rette for godt samarbeid inn mot barn og foreldre

Kvalifikasjonar

• Utdanning innan det pedagogiske fagfeltet.
• Det er ynskjeleg med profesjonsutdanning som psykolog eller mastergrad innan spesialpedagogikk, pedagogikk, psykologi eller tilsvarande, men relevant erfaring kan kompensere for delar av manglande utdanning. Forventing om tilrettelegging av naudsynt tilleggsutdanning vil bli formalisert.
• Kompetanse og erfaring frå arbeid med dysleksi og dyskalkuli vil bli vektlagt.
• Formell testkompetanse, eller brei erfaring med kartlegging og testing.
• God skriftleg og munnleg framstillingsevne.
• Kjennskap til barnehagelova, opplæringslova og andre relevante lovverk og styringsdokument. 

Personlege eigenskapar

• Du er ein person med varmt hjarte for barn og unge, og jobbar etter barns beste-prinsippet. 
• Du har gode samarbeidsevner, er fleksibel, løysingsorientert og har evne til å ta initiativ.  
• Du er ein fagperson som har eit reflektert forhold til PP-tenesta sitt oppdrag som rettleiar på system- og individnivå.
• Du likar utfordringar og er motivert for å vere med på eit nybrotsarbeid. 
• Du er open for endringar og evnar å justere arbeidsmetodar ved behov. 
• Du er fagleg nysgjerrig og ynskjer å vere med på å utvikle inkluderande barnehage- og skulemiljø, med fokus på førebygging og tilrettelegging for barn og grupper med ulike behov.
• Du må vere god til å lytte.
• Det vil bli lagt stor vekt på personlege eigenskapar.  
  

Me tilbyr

• Spennande og utfordrande arbeidsoppgåver, der du vil utgjere ein skilnad for barn og unge i Tokke, Fyresdal og Vinje.
• Arbeidsmiljø med fokus på personleg og fagleg utvikling.
• Moglegheit for vidareutdanning.
• Godt tverrfagleg samarbeid.
• Stor grad av sjølvstende med god administrativ støtte og tett oppfylging frå leiar.
• Fleksitidsordning.
• Køyregodtgjersle etter statens satsar.
• Løn plassert i Vinje kommunes lønsregulativ i tråd med gjeldande tariffavtale.
• Arbeidstidsavtale med ferie etter avtale.
• Vinje kommune kan hjelpe til med å finne bustad.
• God forsikrings- og pensjonsordning.
• Aktivitetskortordning med gåvekort, og mogelegheit for å vinne flotte premiar.
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Anders Sandvik, kommunalsjef oppvekst, 95407593, anders.sandvik@vinje.kommune.no

Arbeidsstad

Vinjevegen 192

3890 Vinje

Nøkkelinformasjon:

Arbeidsgivar: Vinje kommune


Referansenr.: 4891308527

Stillingsprosent: 100%

Fast

Startdato: 01.01.2025

Søknadsfrist: 12.12.2024