Bli ein viktig del av kvardagen til våre bebuarar - ny spennande stilling på sjukeheim!

Me søker servicemedarbeidar i 100% stilling, med arbeid på dagtid måndag til fredag frå kl. 08.00 til kl. 15.30. Stillinga krev ikkje helsefagleg utdanning.

Er du ein omsorgsfull og engasjert person som liker å jobba med menneske? Ønsker du ein meiningsfull jobb kor du kan gjer ein forskjell i nokon sin kvardag? Då kan stillinga som servicemedarbeidar på sjukeheimen vår vera den perfekte moglegheita for deg!

Som servicemedarbeidar får du ein unik moglegheit til å vera tett på bebuarane, bidra til deiras velvære og skapa lysglimt i kvardagen. Du vil spela ei viktig rolle i å sikra eit trygt og hyggeleg miljø for våre bebuarar, og du vil saman med andre dedikerte kollegar jobba for å gjer kvardagen betre for dei.

Me søker etter deg som ønsker ein variert arbeidskvardag der du kan vera med å forma innhaldet i bebuaranes dag gjennom praktiske oppgåver og nærvær. Du vil vera ei viktig støtte i dei daglege rutinane og bidra til trivsel i både fellesarealer og på bebuarane sine rom.

Dette er ein givande jobb, og me ser etter deg som er løsningsorientert, ansvarleg, og har ein naturleg evne til å skapa gode relasjonar. Dersom du er positiv, påliteleg og har eit ønske om å gjer ein forskjell i andre sitt liv, vil me gjerna høyra frå deg!

Hovudarbeidsoppgåver:

• Bestilla mat frå kjøkken.
• Dekkja og rydda av bord.
• Tilbereda og servera måltider.
• Henta middagstraller og klestraller.
• Halda orden på skyllerom, bebuararne sine rom, fellesareal, lager og kjøkken.
• Påfyll på lager og pasientrom.
• Reinhaldsoppgåver.
• Skylleromsarbeid.
• Eventuelt andre oppgåver innafor drift.

Arbeidsoppgåvene vil kunne endras ved behov.

Kvalifikasjonar:

• Erfaring frå tilsvarande stilling eller arbeidsoppgåver vil vera ein fordel, men ikkje eit krav. Personlege eigenskapar vil bli vektlagt.
• Du må beherska norsk godt, både skriftleg og munnleg. Søkarar frå land utanfor Skandinavia må ha bestått norskprøve på nivå B2 eller tilsvarande. Dokumentasjon må leggast ved søknaden.

Personlege eigenskapar:

• Gode haldningar og evne til etisk refleksjon.
• Trives med å jobba med menneske.
• Blid og ein god teamarbeidar.
• Jobbar målretta og sjølvstendig.
• Løysningsorientert og fleksibel.
• Bidrar til eit godt arbeidsmiljø.
• Har god ordenssans og er ryddig.
• Kreativ og engasjert.

Me kan tilby:

• Ein jobb med meining og utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord)
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Andre opplysningar:

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. 

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her