Bioingeniør

Søkjer du ei spennande stilling som bioingeniør der kvalitet og utvikling står i fokus?

Mikrobiologi Ålesund har ledig fast 100 % stilling som bioingeniør. Oppstart snarast eller etter avtale med seksjonsleiar. Ved eventuell intern tilsetjing kan andre stillingar ved seksjonen bli ledige. Vikariat ved seksjonen kan bli forlenga eller gjort om til fast stilling.

Avdelinga utfører laboratorieundersøkingar innan medisinsk mikrobiologi for sjukehusa og primærhelsetenesta i Møre og Romsdal. Avdelinga har seksjonsleiarar i både Molde og Ålesund. Vi har eit breitt analyserepertoar fordelt på fagområde innan infeksjonsimmunologi, genteknologi og bakteriologi med mykologi. Som ei middels stor avdeling leverer vi analysar og tenester utover standard repertoar, og er kjende for god service og høg fagleg kompetanse.

Avdelinga yter tenester til alle fire sjukehusa og til primærhelsetenesta i fylket. Vi har stort fokus på kvalitet, utvikling og forbetring, og vi er sett saman av ulike profesjonar og tilsette i alle aldrar. Dette bidreg til eit godt arbeidsmiljø der alle føler seg inkluderte. For meir informasjon om avdelinga, sjå nettsida vår her.

Vi ber om at vitnemål, attestar og tenestebevis frå tidlegare arbeidsforhold blir skanna inn som vedlegg til CV/søknad.

Arbeidsoppgåver

Hos oss vil du delta i todelt turnus (dag, kveld og helg). Oppgåvene er varierte og krevjande, og fagfeltet er omfattande.

• Innan bakteriologi vil du forberede og dyrke mikrobielle prøver frå ulike kjelder, samt arbeide vidare med identifisering og klassifisering av mikroorganismar. Du vil lære å klassifisere mikroorganismane si kjensle for ulike antimikrobielle middel.
• Innan genteknologi nyttar vi ulike PCR-maskiner som er ein del av arbeidsoppgåvene i seksjonen.

Kvalifikasjonar

• Bioingeniør med norsk autorisasjon
• Relevant praktisk erfaring innan preanalytisk arbeid blir vektlagt
• Meistrar norsk språk, både munnleg og skriftleg

Personlege eigenskapar

• Ansvarsbevisst, nøyaktig og strukturert
• Evne til å tileigne seg ny kompetanse og oppgåver
• Sjølvstendig og trygg på eigen kompetanse
• Gode kunnskapar innan relevant IKT blir vektlagt i totalvurderinga

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Lars Christian Fjørtoft, Seksjonsleiar, lars.christian.fjortoft@helse-mr.no

Arbeidsstad

Åsehaugen 5

6017 Ålesund

Nøkkelinformasjon:

Arbeidsgivar: Helse Møre og Romsdal HF


Referansenr.: 4902769681

Stillingsprosent: 100%

Fast