Lærarar til grunnskulen

Vil du bli lærar i Sveio? 

Det er venta å bli ledige lærarstillingar i grunnskulen i Sveio kommune frå 1.8.2025, både i faste stillingar og i vikariat. Sveioskulen søkjer deg som har høg fagleg kompetanse og er motivert for å delta i utvikling av kvalitet i opplæringa. Elevane skal oppleve eit pedagogisk tilbod kor det blir lagt til rette for kreativitet, lærelyst og meistring. Dei skal møte trygge tilsette som tek ansvar for gode relasjonar i eit inkluderande felleskap. Elevane skal oppleve å bli lytta til og kunne medverke i eigen kvardag. 

Skulane skal vera ein arena for tidleg innsats og inkluderande læringsmiljø. Skulane arbeida aktivt med å utvikle gode profesjonsfellesskap og arbeidsmiljø. Fleire av skulane arbeidar etter to-lærarmetoden, og Sveio-skulen er med i dei ulike kompetanseordningane. I samanheng med kompetanseløftet og oppvekstreforma blir du med som ein viktig lagspelar i arbeidet med å skape gode  oppvekst- og læringsbetingelsar for barn og unge i Sveio kommune.

Sveio kommune har tre barneskular, eit oppvekstsenter og ein kombinert barne- og ungdomssskule. Informasjon om skulane er å finn heimesidene til kommunen. Ta gjerne direkte kontakt med den einskilde rektor for meir informasjon. 

Arbeidsoppgåver

• planlegging og leiing av elevane si læring 
• arbeida målretta for å skape eit trygt, godt og inkluderande læringsmiljø 
• arbeida aktivt med pedagogisk innhald i skulen 
• utvikla den digitale kompetansen til elevane og arbeidsplassen
• sikra tidleg innsats for å fanga opp utanforskap og mangel på meistring
• delta aktivt i utvikling av det profesjonelle læringsfellesskapet

Kvalifikasjonar

• godkjend undervisningskompetanse (Opplæringslova §10-1 jfr. forskrift til opplæringslova §14)
• søkjarar med undervisningskompetanse i norsk, matematikk, engelsk, tysk og spansk har me særleg nytte for
• undervisningskompetanse i spansk og tysk 
• barnehagelærar med skuleretta tilleggsutdanning kan bli vurdert som tolærar ved 1 og 2 trinn 
• spesialpedagogikk med hovudvekt på psykososiale vanskar kan bli prioritert 

Personlege eigenskapar

• fagleg engasjert og motivert, og ønskjer å bidra til utvikling av Sveioskulane 
• tett på elevane si læring og utvikling, og har eit sterkt pedagogisk engasjement 
• eit inkluderande elevsyn og er i stand til å sjå den enkelte elev
• god på samarbeid og evner å skape gode relasjonar med elevar, føresette og kollegaer 

• evne til sjølvstendig arbeid du kan gje og ta imot rettleiing 

  Personlege eigenskapar blir lagt vekt på

Vi tilbyr

• utfordrande og lærerikt arbeid i eit engasjert og fagleg kompetent arbeidsfellesskap på eigen skule og på tvers av skulane
• god rettleiing og oppfølging av nyutdanna
• eit fagmiljø under utvikling som du får vere med å påverke og utvikle 
• løn etter gjeldande tariffavtale, og gode pensjons- og forsikringsordningar 
• det blir krevd gyldig politiattest for alle som skal arbeide i skule