Kommuneplanleggjar - vikariat

Gloppen kommune har ledig 100 % eittårig vikariat som planleggar ved plan-, byggesak og oppmåling. 

Hovudoppgåvene knytt til stillinga vil vere knytt til private reguleringsplanar, samt utarbeiding og oppfølging av kommunale tema- og arealplanar. Behandling av dispensasjonar og mindre byggesaker kan og bli lagt til stillinga. Vi ser etter deg som har god kompetanse på planarbeid, og som gjerne har erfaring frå offentleg sektor, men oppfordrar og nyutdanna til å søke. Gloppen kommune vedtok kommuneplanen sin arealdel i juni 2023. Vi har mange spennande private planar under arbeid og forventar oppstart av fleire saker dette året. 

Plan-, byggesak og oppmåling har i dag fem tilsette innanfor byggesak, oppmåling, areal- og samfunnsplanlegging, og er underlagt kommunalområdet Samfunn og berekraft. Samfunn og berekraft har tenesteområda eigedom, kommunalteknikk, landbruk, kultur, brann og redning og plan- byggesak og oppmåling.

Arbeidsoppgåver

• Behandle private planforslag og utarbeide kommunale planar
• Leie planprosessar
• Førebu saker til politisk behandling og delta i utvalsmøte
• Miljø- og klimaarbeid
• Rettleiing av publikum

Kvalifikasjonar

• Relevant utdanning på høgskule- eller universitetsnivå (bachelor eller master)
• Erfaring frå arealplanarbeid
• Erfaring med kart og gis-verktøy
• God kjennskap til plansystemet og relevant lovverk
• Det er ønskjeleg med erfaring innanfor fagområde byggesak og forvaltning av plan- og bygningslova
• Erfaring frå samfunnsplanlegging eller miljø- og klimaarbeid er ønskjeleg, men er ikkje eit krav

Personlege eigenskapar

• Du tek initiativ til å tileigne deg ny kunnskap og lære nye ting
• Du har evne til nytenking og til å sjå heilskapsperspektiv
• Du liker å jobbe med varierte oppgåver i eit breitt fagfelt
• Du har evne til å presentere saker munnleg og skriftleg
• Du har evne til samhandling med kollegaer, eksterne konsulentar, innbyggarar og offentlege instansar.
• Det vil bli lagt vekt på personlege eigenskapar.

Vi tilbyr

• Varierte arbeidsoppgåver i eit tverrfagleg og godt arbeidsmiljø
• Kontorplass på Heradshuset på Sandane og fleksibel arbeidstid
• Lønn etter avtale
• Moglegheit for fast tilsetting etter enda vikariat

Kontaktinformasjon

Torbjørn Brandsæter, Kommunalsjef samfunn og berekraft, +47 452 26 186

Arbeidsstad

Grandavegen 9
6823 Sandane

Nøkkelinformasjon:

Arbeidsgivar: Gloppen kommune

Referansenr.: 4917987798
Stillingsprosent: 100%
Vikar
Søknadsfrist: 04.03.2025