Areal og byggesak søker etter ny medarbeidar

Eininga Areal og byggesak har i dag 19 medarbeidarar som jobbar med sakshandsaming  innan fagområda reguleringsplan/arealplan, byggesak/tilsyn/lovbrot, oppmåling/deling og geodata. Vi held for tida til i rådhuset i Førde sentrum.

Vi har ledig 100 % fast stilling som byggesakshandsamar.

Stillinga vil inngå i eit forvaltningsteam med 5 tilsette innan fagområda byggesak, tilsyn og lovbrotsaker etter plan- og bygningslova, matrikkelføring og seksjonering. Teamet har ein koordinator.

Arbeids- og ansvarsområde er mellom anna:

• sakshandsaming av byggesaker og dispensasjonar etter plan- og bygningslova, inkl. klagesakshandsaming og førehandskonferansar
• deling av grunneigedom
• matrikkelføring etter matrikkellova
• seksjonering etter eigarseksjoneringslova
• rettleiing mot publikum og bygge- og anleggsbransje

Kvalifikasjonskrav:

• relevant utdanning på minimum høgskule-/universitetsnivå som byggingeniør, ingeniør, arkitekt, jurist eller liknande. Relevant erfaring innan offentleg forvaltning kan vege opp for manglande utdanning.
• god digital kompetanse

Bakgrunn som ingeniør, arkitekt, jurist, eller andre relevante yrker kan vere ein fordel. 

Førarkort klasse B er ønskeleg.

Vi søker ein medarbeidar som:

• har gode samarbeidsevner og likar å jobba på tvers av ulike fagfelt
• har høg arbeidskapasitet og arbeidar strukturert og sjølvstendig
• har god munnleg og skriftleg framstillingsevne (nynorsk skriftmål)
• er utviklings- og løysningsorientert i møte med anna fagpersonell, eksterne samarbeidspartnarar og utbyggings- og konsulentbransjen
• er initiativrik og har god relasjonskompetanse

Personlege eigenskapar vert vektlagt.

Vi kan tilby:

• høve til personleg vekst og utvikling i arbeidet
• eit godt, hektisk og tverrfagleg arbeidsmiljø med spennande utfordringar
• løn etter avtale
• moderne og lyse kontorlokale
• gode pensjons- og forsikringsordningar

Velkomen som søkar, vi ser fram til å høyre frå deg!

Link til søknadsskjema: Søk her