Barnehagestyrar/tenesteleiar

Haram kommune skal opne ny barnehage på Longva i august 2025, og vi er no på jakt etter deg som vil vere barnehagestyrar. I denne rolla vil du få moglegheiter til å vere med å utforme den nye barnehagen. Stillinga er delt slik du er 50 % på avdeling og 50 % på kontor.

Som barnehagestyrar har du hovudansvaret for personalet, det pedagogiske og det administrative arbeidet i barnehagen. Barnehagen blir ein del av eit nettverk med både kommunale og private barnehagar i Haram, der ein møtast månadleg. Alle barnehagane arbeider med eit felles utviklingsarbeid med tema "Å høyre til". Styrar deltek i tillegg på kommunale tenesteleiarmøte.
Haram kommune er ein ambisiøs kommune med gode heilskaplege tenester. Vi skal særleg ha fokus på å spele kvarandre gode, og arbeide på tvers for å skape gode tenester for innbyggarar og næringsliv med fokus på tidleg innsats. Som styrar deltek du på felles styrarmøter, samt på kommunale tenesteleiarmøte. Styrar rapporterar til kommunalsjef for barnehage og skule.

Arbeidsoppgåver

• Planlegge oppstart av den nye barnehagen
  
• Leie og utvikle barnehagen i tråd med relevante lovverk, mål og satsingar
  
• Planlegge og organisere kvardagane til det beste for barn og tilsette
  
• Sikre eit godt fysisk og psykososialt miljø- der alle barn opplev å høyre til i fellesskapet
  
• Personal- og budsjettansvar
  
• Sikre eit godt samarbeid med foreldre, lokalsamfunn og andre relevante aktørar
  
• Saksbehandling innanfor definerte områder
  
• Hovudansvar for barnehagen sitt HMS-arbeid, herunder internkontroll

Kvalifikasjonar

• Godkjend utdanning som barnehagelærar, eller anna høgskuleutdanning som gir barnefagleg og pedagogisk kompetanse jmf barnehagelova § 24
  
• Personar med utenlandske yrkeskvalifikasjonar må dokumentere norskkunnskapar i samsvar med barnehagelova § 18.
  
• Styrarutdanning og/eller leiarerfaring er ønskeleg
• God kjennskap til relevante lovverk og avtaleverk for barnehage
  
• Gode munnlege og skriftlege framstillingsevner
  
• Kompetanse innanfor økonomi og administrasjon
  
• Personlege eigenskapar vil bli vektlagt, og i tillegg til intervju og referanseinnhenting, kan det bli nytta testverkty i rekrutteringsprosessen.
  

Personlege eigenskapar

• Eit positivt barnesyn/menneskesyn
• God samarbeids- og relasjonskompetanse
  
• Evne til å leie og motivere andre, gjennom tillit og medverknad i prosessane
• Evne til å arbeide strukturert og målretta
  
• Ei engasjert og positiv innstilling
  
• Evne til å vere løysingsorientert og fleksibel
  
• Evne til å arbeide sjølvstendig og ta kloke avgjerder med barna sitt beste i fokus 

Vi tilbyr

• Ei spanande og utfordrande rolle 
  
• Gode moglegheiter for fagleg samarbeid og personleg utvikling
  
• Fleksibel arbeidstid
  
• God pensjonsordning
  
• Løn etter avtale 

Kontaktinformasjon

Lill-Therese Eidsvik, Kommunalsjef, 41504764, lill-therese.h.eidsvik@haram.kommune.no

Arbeidsstad

Øvstevegen 212

6293 Longva

Nøkkelinformasjon:

Arbeidsgivar: Haram kommune


Referansenr.: 4912318266

Stillingsprosent: 100%

Fast

Startdato: 01.06.2025

Søknadsfrist: 23.02.2025