Er du ein engasjert helsefagarbeidar som ønsker å gjer ein forskjell?

Bli ein viktig del av teamet vårt på natt! På Ølen omsorgssenter jobbar me saman for å skapa ein trygg og god heim for bebuerane våre. Me søker nå helsefagarbeidarar i 50-80% fast stilling på natt. Hos oss får du moglegheit til å jobba i eit fagleg sterkt og støttande miljø, med utfordringar som vil gi deg både utvikling og meistring.

Om Ølen omsorgssenter:

Ølen omsorgssenter har 14 plassar på somatisk langtidsavdeling og 13 plassar på korttids- og rehabiliteringsavdelinga.

Frå februar 2025 startar me med ny årsturnus. Hos oss vil me ha det høgt under taket, og med kort veg til engasjerte leiarar for dine idear. Me ønsker at våre medarbeidarar skal ha moglegheit for utvikling innan fag og interesse, og at dei skal ha eit arbeid som motiverar og engasjerar. Me er i utvikling og ønsker å høyre frå deg som vil gjere ein forskjell i eldreomsorga. Ikkje nøl med å ta kontakt om du har spørsmål. 

Du kan sjekka ut Facebooksida vår (Ølen omsorgssenter), om du har lyst til å bli litt betre kjent med oss.

Kva får du jobba med hos oss?

• Bidra direkte til å gi bebuarane våre gode tenester.
• Helsefaglege oppgåver som; kartlegging (NEWS bla), oppfølging, pleieplan, tiltak, medisiner mm.
• Rettleiing og tverrfagleg samarbeid.
• Bidra til eit godt arbeidsmiljø og kontinuerlig utvikling av tenestene våre.

Me kan tilby:

• Ein jobb med meining og faglege utfordringar som vil gi deg utvikling og meistring.
• Arbeid med engasjerte kollegaer som ønsker at du skal trivast og lykkast.
• Støtte og opplæring for å hjelpa deg å komma godt i gong i den nye rolla di.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Gratis e-læringskurs på Veiledaren og NHI.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor: KOR'e Vindafjord
• Helsefagarbeidarar på Ølen omsorgssenter får tilbod om lønn som er kr. 40.000,- over garantilønn i KS-områdets tariffavtale.
• Ved relevant vidareutdanning kan det vurderast å gi kompetansetillegg. 60 studiepoeng kan gi kr. 20.000,- i kompetansetillegg.
• Ein av Noregs sikraste pensjonsordningar: offentleg tenestepensjon.
• Forsikringsordningar som gruppelivsforsikring, yrkesskadeforsikring og tenestereiseforsikring.

Kvalifikasjonar:

• Norsk autorisasjon som helsefagarbeidar.
• God IKT kompetanse og erfaring med elektronisk pasientjournal vil vera ein fordel.
• Gode munnlege og skriftlege norskkunnskapar.

Me tenker at du:

• Er ein positiv bidragsytar i arbeidsmiljøet, med bevissthet rundt korleis du sjølv påverkar kollegaene dine sin arbeidskvardag.
• Søker heile tida etter forbetringar for både bebuarar og personell- er løysingsorientert
• Er framoverlent og leitar etter rette tiltak for å gi gode tenester til bebuarane - bebuaren kjem først!
• Har eit ønske om å arbeide med menneske som har komplekse og varierande hjelpebehov.
• Har interesse for faget og held deg oppdatert.
• Likar å finne nye måtar å arbeide på.
• Evner å arbeide sjølvstendig, systematisk og målretta.
• Trivest med til tider hektiske arbeidsdagar.
• Er fleksibel og ser nytte av å arbeide på tvers av avdelingane.
• Set pris på og arbeidar for eit godt miljø med stort samarbeidsklima der alle vert høyrt og respektert.

Personlege eigenskaper vert vektlagt.

Andre opplysningar:

• Det er eit krav om godkjent politiattest for den som vert tilsett i stillinga.
• Det er eit krav om at ein fyller ut eigenerklæringsskjema for MRSA og tuberkulinstatus, før oppstart. 

Slik søker du: 

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her