Avdelingsleiar arrangement og aktivitet – 100% fast

Vinje kommune ynskjer å vidareutvikle kultur, idrett og fritidstilbodet i heile Vinje kommune. Ein avdelingsleiar for arrangement og aktivitet i Vinje kommune vil få ansvar for innhaldet ved kommunale kultur-, fritids- og aktivitetsarenaer, og vil med det vera ein viktig pådrivar for gode arrangement, tilbod og aktivitetar i regionen.

I stillinga ligg det også ansvar for den daglege drifta av kultur- og samfunnshusa i Vinje. Det inneber å vera vertskap for arrangement, møter, kurs og liknande. Som avdelingsleiar for arrangement og aktivitet vil du vera der det skjer, der folk møtast og der meininga skapast.

Arbeidsoppgåver

• Ansvar for planlegging og gjennomføring av innhald og tilbod i kulturhus, samfunnshus og grendehus i Vinje kommune
• Utvikle eksisterande og nye kultur- og idrettstilbod til kommunale arenaer, og i samarbeid med andre lokale aktørar
• Delegert personalansvar med mellom anna ansvar for å organisere personell, sette vaktlister og sørge for godt arbeidsmiljø og samarbeidsklima
• Ansvar for rutiner, HMS-arbeid og internkontroll på dei ulike arenaene
• Budsjettansvar og ansvar for å utvikle ein kostnadseffektiv og berekraftig modell for arrangement og aktivitet
• Utvikle arrangements- og aktivitetsplan for heile Vinje, i samarbeid med Kultur, næring og fritid
• Ansvar for å drifte møterom og konferanselokale, inkludert bestillingssystem og oppfylging
• Samarbeide med andre avdelingar i kommunen, med næringslivet og lag og organisasjonar

Du må rekne med kvelds- og helgearbeid i samband med arrangement og liknande.

Kvalifikasjonar

• Relevant utdanning på bachelornivå, eller dokumentert erfaring frå liknande stillingar
  
• Leiarerfaring frå kultur- eller idrettsfeltet
• Erfaring med å planlegge store og små arrangement og aktivitetar
  

I tillegg er det ein fordel om du har:

• Vertsskapserfaring
• IKT-kompetanse utover grunnleggande ferdigheiter, for å handtere marknadsføring, kassesystem, bestillingssystem og liknande
• Kunnskap om kultur- og idrettsfeltet
  
• Kjennskap om offentleg lov og regelverk for skjenking og servering
• Førarkort klasse B og disponere eigen bil

Personlege eigenskapar

• Du har evne til å planleggje, leie og gjennomføre utviklingsprosjekt og prosessar
• Du har gode samarbeidsevner
• Du er empatisk og lyttande
• Du har evne til å tenke innovativt
• Du er god til å dele kunnskap, motivere og inspirere for å oppnå gode resultat
• Du er systematisk og har god ordenssans
• Du har god skriftleg kommunikasjonsevne på nynorsk
• Du er engasjert i det du gjer
• Du er fleksibel, løysingsorientert og handterer utfordringar godt

Personlege eigenskapar og samarbeids- og kommunikasjonsevner vil bli lagt vekt på.

Me tilbyr

• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Kristian W. Rantala, Verksemdsleiar kultur og fritid, 94983823, Kristian.rantala@vinje.kommune.no

Arbeidsstad

Raulandsvegen 60

3890 Vinje

Nøkkelinformasjon:

Arbeidsgivar: Vinje kommune


Referansenr.: 4882556259

Søknadsfrist: 16.03.2025