Vil du bli vår nye undersvisningsinspektør?

Me søker: 

Undervisningsinspektør i 100% (50% inspektør + 50% undervisning og/eller anna funksjonsoppgåve). Stillinga er ledig frå 01.08.2025

Kva får du jobba med hos oss?

• Vera del av Ølen skule si leiargruppa som består av rektor og tre undervisningsinspektørar
• Utvikle, påverke og drifte skulen sitt profesjonelle læringsfellesskap 
• Ha vikaransvar saman med dei andre inspektørane
• Ansvar for elevar og personale på 5.-7.klasse (kan bli endringar)
• Undervising i faste fag eller andre funksjonar
• Tolking av elevdata og analyse av desse
• Vera pådrivar for godt samarbeid med elevar, føresette, tilsette, ulike instansar og samarbeidspartar
• Halde ved like og jobbe i administrative fagprogram kommunen har
• Timeplanarbeid; utarbeide timeplanar og vaktplanar for skulen og arbeidsplanar for tilsette
• Oppgåver kan bli tilført eller endra på

Me kan tilby:

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke ansattgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord).
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk.

Kvalifikasjonar:

• Stillinga set krav til undervisingskompetanse for grunnskulen
• Tilleggskompetanse innan skuleleiing vil vera ein fordel
• Gode IKT- og system -kunnskapar
• Du må beherska godt norsk, både skriftleg og munnleg. Skriftspråket i kommunen er på nynorsk.
  

Personlege eigenskapar

• Du må vera villeg til å ha ei fleksibel arbeidstid
• Evne til å skapa gode relasjonar og til å kommunisera med kollegaer, føresette og elevar er eit absolutt krav til den som blir tilsett
• Du må vera innstilt på å vera med å løysa daglege utfordringar på ein konstruktiv måte
• Stor evne til samarbeid
• Fleksibel og klar for å finna løysingar
• Administrasjon er ein vesentleg del av stillinga, det er naudsynt at ein har god ordenssans, meistra digitale verktøy og sakshandsaming

Personlege eigenskapar vil bli vektlagt.

Slik søker du: 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Link til søknadsskjema: Søk her