Eigedomsforvaltar - Rådgjevar

Vi søker ein sjølvgåande og strukturert Eigedomsforvaltar med gode faglege og digitale kunnskapar. Vi treng deg med kunnskap og motivasjon til å arbeide med utvikling, kjøp og sal av eigedomar. I stillinga vil vi ha forventning om at du er utadvent og kan bygge gode relasjonar med dine kollegaer, kommunale verksemder, privat næringsliv, innbyggarar i kommunen, samt moglege nabokommunar og regionale/statlege aktørar. Nokre saker vil krevje styret sin,- eller politisk avklaring. Dette inneber også politiske saksframlegg og presentasjonar, og med god forståing av samspelet mellom politikk og administrasjon, og gode kommunikasjonsevner.  
Eigedomsforvaltar rapporterer til tenesteleiar for Eigedom. Tenesteområdet har som hovudformål å sørge for ei forretningsmessig og kostnadseffektiv forvaltning av kommunen sine eigedomar og ikkje utbygde areal. Dette gjeld drift, vedlikehald, rehabilitering, utbygging, næringsutleige og innleige, kjøp og sal. I dag er det 45 tilsette i avdelinga.  Kontorplassen er i Brattvåg, men stillinga vil ha heile kommunen som arbeidsområde.
Vi søker deg som er sjølvstendig, men som også utgjer ein positiv forskjell i teamarbeid med andre for å finne gode løysingar. Velkomen med din søknad!

 

Arbeidsoppgåver

• Ansvar for utvikling, kjøp og sal av eigedomar, først og fremst tomter.  Eigedomar (med/utan påståande bygg) skal forvaltast i tråd med kommunen sine retningsliner. Eigedomar kan vere aktuelle å erverve eller utvikle til bruk for kommunal bruk. Vi har også mål om å erverve, utvikle og selje eigedomar slik at vi skal ta del i ei marknadsmessig verdiauke og dermed kunne skape økonomisk avkastning for kommunen.
• Førebuing av sal av eigedomar. Dette kan innebere førebuing av politisk sak, opprydding i grunnboka, frådeling, omregulering, innhenting av takst, utarbeide salsoppgåve, gjennomføring av budrunder og liknande. 
• Teknisk, økonomisk og marknadsmessig analyse av eigedomar, samt dialog med seljarar der vi vurderer kjøp av eigedom, enten direkte eller i budrunder. Herunder kunnskap om marknad til å kunne vurdere eigedomsverdiar.   
• Utarbeiding, vedlikehald og bruk av rutinar og system som ein del av vårt internkontrollsystem.
• Kartlegging av moglege salsobjekt, sakshandsaming av førespurnader, samt oversikt og prioritering av oppgåver/saker i samarbeid med tenesteleiar.
• Andre oppgåver som fell inn under avdelinga sitt ansvarsområde kan òg bli aktuelle ved behov.

Kvalifikasjonar

• Utdanning på minimum bachelornivå, og helst innan relevant fagområde. Relevant erfaring kan kompensere for manglande utdanning.
• Du har erfaring og kompetanse frå liknande oppgåver/arbeid, gjerne med konkret bakgrunn innan eigedomsutvikling, -forvaltning, -taksering,
• meklartenester,  -rådgjeving eller relevant juridisk regelverk.
• Erfaring frå/med offentleg sektor vil vere ein fordel, men er ikkje eit krav.
• Kunnskap om innkjøp i offentleg sektor er ønskeleg, men ikkje eit krav.
• God skriftleg og munnleg framstillingsevne (norsk).
• Førarkort klasse B.

Personlege eigenskapar

• Kundefokus. 
• Sjølvstendig når det trengs, men minst like god til å samarbeide og få andre til å samarbeide. 
• Initiativtakar og pådrivar med ei løysingsorientert tilnærming.
• Har høg kapasitet, engasjement for oppgåvene og brukarane, dvs med kundefokus.
• Er resultatorientert, strukturert, effektiv og nøyaktig.
• Taklar stress godt og handterar høgare tempo/arbeidsmengde i periodar.
• Har omtanke for sine kollegaer.
• Har gode analytiske evner og god sjølvinnsikt.

Vi tilbyr

• Ein spanande jobb hos ein stor eigedomsaktaktør med særs sterke fagmiljø i alle delar av eigedomsprosjekt og -forvaltning.
• Du handterer ikkje berre eigedomar, du bruker din kompetanse til å bidra til kommunens samfunnsutvikling.
• Fagleg sterke og dyktige kollegaer.
• Utvikling i tråd med utviklingssamtalar og avdelinga sine behov.   
• Gode pensjons- og forsikringsordningar gjennom KLP.
• Fleksitid ordning.
• Løn etter avtale.

 

Kontaktinformasjon

Jan Kristian Skåravik, Tenesteleiar, +47 41460386, jan.kristian.skaravik@haram.kommune.no

Arbeidsstad

Strandgata 40

6270 Brattvåg

Nøkkelinformasjon:

Arbeidsgivar: Haram kommune


Referansenr.: 4910651092

Stillingsprosent: 100%

Fast

Søknadsfrist: 11.04.2025