Førsteamanuensis i norsk/norskdidaktikk

Om stillinga

Ved Nord universitet, Fakultet for lærarutdanning og kunst- og kulturfag, er det ledig stilling som førsteamanuensis i norsk/ norskdidaktikk. Stillinga har fast kontorstad i Bodø. Det kan vere aktuelt med arbeidsoppgåver også knytt til andre studiestadar ved Nord universitet, som til dømes Levanger, Mo i Rana/Nesna og Stokmarknes. Fagmiljøet ved Nord universitet er fordelt på fleire studiestadar, så samarbeid mellom vitskapleg tilsette ved fakultetet er viktig, uansett geografisk plassering.

Den som blir tilsett, vil bli inkludert i eir forskningsfelleskap, alt etter fagleg interesse. 

Om det på grunn av manglande søkjartilfang, eller av andre grunnar ikkje let seg gjere å tilsetje i stilling som førsteamanuensis, kan det  bli aktuelt å tilsetje i stilling som førstelektor/ universitetslektor. 

Det er forventa at den som blir tilsett som universitetslektor, kvalifiserer seg til førstestilling etter avtale med dekanen.

Arbeidsoppgåver

• Stillinga er i hovudsak knytt til undervisning, praksisoppfølging og rettleiing i norskfaglege emne på bachelor- og masternivå  i barnehage – og grunnskulelærarutdanning.
• Det er ønskeleg at den som tilsetjast har norskfagleg bakgrunn og er motivert til å setje seg inn i og undervise i fleire norskfaglege emne etter behov, som: 
  • Språkteori, språkhistorie, språkdidaktikk, grammatikk, barns språkutvikling, norsk som andrespråk, fleirspråkleg praksis og samisk språk, litteratur og kultur.
  • Litteraturteori, litteraturhistorie og litteraturdidaktikk.
  • Literacy, kritisk literacy og utvikling av barn og unges tekstkompetanse i varierte sjangrar og medium. Lese-, skrive- og språkvanskar, kartleggjingsprøvar, læremiddel, tilpassa opplæring og vurdering i norskfaget.
• Stillinga er tillagt formidling, forsking- og utviklingsarbeid.
• Lærarutdanningsprofilen og profesjonsretta forsking og utviklingsarbeid er sentrale ved fakultetet, difor er det viktig at den som blir  tilsett, er innstilt på å orientere seg mot profesjonsfaglege problemstillingar.
• Det ventast at den som blir tilsett, bidreg i utvikling av større forskingsprosjekt og søknader om ekstern finansiering, samt bidreg til å  vidareutvikle forskingssamarbeid med nasjonale og internasjonale samarbeidspartnarar.
• Det ventast at den som blir tilsett, bidreg i utviklinga av fagmiljøet i norsk ved fakultetet, saman med kollegaer.

Kvalifikasjonskrav

Tilsetjing som førsteamanuensis

• For å innfri kvalifikasjonskrava til førsteamanuensis krevs minst:
  • doktorgrad innan relevant fagområde, eller kompetanse på tilsvarande nivå dokumentert anten ved vitskapeleg arbeid eller kunstnerisk arbeid av same omfang og kvalitet,
  • utdanningsfagleg kompetanse 
  • norskferdigheiter på nivå B2
• For å innfri kvalifikasjonskrava til førstelektor krevs minst:
  • høyere grads eksamen eller tilsvarende innen relevant fagområde
  • utdanningsfaglig kompetanse 
  • norskferdigheter på nivå B2
  • relevant yrkes- eller undervisningserfaring og
  • bidrag til faglig utviklingsarbeid på høyt nivå, i samsvar med internasjonale eller nasjonale standarder innen fagområdet/yrkesfeltet.
• For å innfri kvalifikasjonskrava til universitetslektor krevs minst:
  • høgare grads eksamen eller tilsvarande innan relevant fagområde,
  • utdanningsfagleg kompetanse 
  • norskferdigheiter på nivå B2 
  • relevant yrkes- eller undervisningserfaring

For vedtak om tilsetjing før 1. august 2025 vil kvalifikasjonskrav etter tidlegare forskrift om tilsetjing og opprykk i vitskaplege stillingar leggjast til grunn. For vedtak om tilsetjing etter 1. august 2025 vil krava for tilsetjing gjelde som skildra.
 

Sams for alle 

• Søkjarar må dokumentere at dei har grunnleggjande ferdigheiter innan planlegging, gjennomføring, evaluering og utvikling av undervising og rettleiing.
  Nord universitet har eigne vilkår for utdanningsfagleg kompetanse, sjå meir informasjon på Nords nettsider. Søkjarar som ved tilsetjing ikkje kan dokumentere tilstrekkeleg utdanningsfagleg kompetanse, må skaffe seg denne kompetansen i løpet av ein toårsperiode. Nord universitet tilbyd eit emne i universitetspedagogikk som dekkjer dette kravet.
• God munnleg og skriftleg framstillingsevne i norsk (bokmål og nynorsk) og engelsk.
• Søkjarane må vere kvalifiserte til å gjennomføre arbeidsoppgåvene som det er vist til tidlegare.

Ved vurdering og rangering av kvalifiserte søkjarar vil det bli lagt vekt på:

• Forskings- og utviklingsarbeid som er relevant for stillinga
• Publikasjonar dei siste fem åra 
• Erfaring med internasjonale forskingsnettverk og prosjekt med ekstern finansiering
• Erfaring frå undervising og rettleiing på bachelor- og masternivå frå universitets- og høgskolesektoren
• Pedagogiske kvalifikasjonar
• Relevant yrkespraksis
• God evne til å kommunisere og samarbeide med studentar og kollegaer
• Personlege eigenskapar:
  • Den som blir tilsett må ha gode samarbeids- og formidlingsevner, men også evne til å arbeide sjølvstendig, ta initiativ og vere fleksibel.

Vi tilbyr

Stillinga blir løna etter Statens regulativ, kode 1011 for førsteamanuensis, 1198 førstelektor og kode 1009 for universitetslektor. Løn etter avtale. Frå løna går lovfesta innskot til Statens pensjonskasse.

• God låne-, forsikrings-, og pensjonsordning i Statens pensjonskasse
• Kreativt og kollegialt arbeidsmiljø
• Ein arbeidsplass i stadig utvikling
• Fleksibel arbeidstid
• Aktivt bedriftsidrettslag

Generell informasjon

Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.

Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV-en, innvandrarbakgrunn og elles ulik livserfaring til å søke. 

Opplysingar om nedsett funksjonsevne eller hol i CV kan bli brukte til anonymiserte registreringsføremål.

Kontakt

Nærare opplysing om stillinga får ein ved å ta kontakt med:

• Faggruppeleder May Line R. Tverbakk, e-post: may.l.tverbakk@nord.no tlf. 75 51 77 38
• Seksjonskoordinator Eirin Furre, e-post: eirin.furre@nord.no, tlf. 75 51 77 73

Søknadsprosessen

Søkjarar vil bli vurderte av ein sakkunnig vurderingskomite. Aktuelle kandidatar vil bli kalla inn til intervju og prøveførelesing.

Søknad

Søknad sendast elektronisk innan 21.04.2025

Den elektroniske søknaden skal innehalde:

• Søknadsbrev
• Fullstendig curriculum vitae
• Kopi av vitnemål og attestar
• Fullstendige kopiar av eit utval på inntil 15 av dei mest relevante publikasjonane til søkjaren, og ei liste over desse. Vi bed søkjarane prioritere dei 5 viktigaste arbeida sine, og kommentere prioriteringa. Doktorgradsavhandling skal leggjast ved som eitt av disse arbeida.
• Utdanningsfaglig CV og refleksjonsnotat ihht utfyllande bestemmelsar for utdanningsfaglig kompetanse
• Dokumentasjon på annan aktivitet som vurderast som relevant for stillinga, og som er ønskt teken med i vurderinga
• Kontaktinformasjon til 2-3 referansepersonar

All dokumentasjon som det skal takast omsyn til, skal lastast opp som vedlegg til søknaden.

Fullstendig elektronisk dokumentasjon skal sendast inn innan søknadsfristen.

Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.

Ref.nr. 30233457