Stipendiat ved Klinisk institutt 2

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w
Stipendiat

Ved Det medisinske fakultet,  Klinisk institutt 2 er det ledig ei stilling som stipendiat (100 %). Stillinga er ledig for ein periode på tre (3) år. Stillinga er knytt til prosjektet: A cryptosporidiosis coint-of care test-and-treat strategy in children with diarrhea", og er finansiert av Universitetet i Bergen.

Om prosjektet/arbeidsoppgåver:

•  PhD-stillinga vil undersøkje genetisk variasjon i innsamla Cryptosporidium-isolat, samt inflammasjon og antistoffresponsar mot Cryptosporidium-infeksjon.
• Arbeidet i PhD-stillinga kan inkludere rekruttering av pasientar, prøvetaking, isolasjon av Cryptosporidium frå avføringsprøver, oocyst-reiningsmetodar, DNA-ekstraksjon, endepunkt- og qPCR, sekvensanalysar, målretta sekvensering, serologiske analysar, antistoffanalysar, bioinformatikk og statistiske analysar, oppsummering av resultat og skriving av vitskaplege publikasjonar.
• Doktorgradsstillinga vil òg bruke prøver frå eit prosjekt som undersøker effekten av å implementere diagnostikk og behandling mot Cryptosporidium-infeksjon hos barn med diaré i Afrika sør for Sahara.
• Arbeidsstaden vil primært vere i Laboratoriebygget, Klinisk institutt 2, Jonas Lies veg 87 i Bergen.
• Det vil vere internasjonalt samarbeid og potensielle studiebesøk hos partnarar i USA eller andre land.
• Det er forventa at doktorgradsstipendiaten bidrar til eit sosialt og tverrfagleg forskingsmiljø, og bør kunne, eller vere villig til å lære, norsk språk. 

 Kvalifikasjonar og eigenskapar:

• Søkjar må ha fullført mastergrad eller tilsvarande i  molekylærbiologi, genetikk, global helse evt medisinsk eller veterinærmedisinsk embedseksamen.
• Laboratorieerfaring med relevante metodar er ein stor fordel.
• Tidlegare forskings- og publiseringserfaring vil telje positivt.
• Erfaring frå tematisk relevante forskingsprosjekt på tarmparasittar eller i lavinntektsland vil telje positivt.
• Den som vert tilsett må kunne arbeide sjølvstendig og strukturert, og ha gode samarbeidsevner.
• Evne og motivasjon til å gjennomføre eit doktorgradsprosjekt.  
• God skriftleg og munnleg engelsk, sjå dokumentasjonskrav.

Personlege eigenskapar blir vektlagd ved vurderinga.

Søkjarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no for meir informasjon om vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå  Opptakskrav | Det medisinske fakultet | UiB

Sjå også krav om dokumentasjon av engelskkunnskapar: 

 http://www.uib.no/med/115525/krav-til-engelskkunnskaper-ved-opptak-til-phd-programmet.

For stillinga gjeldt følgande:

Forskarutdanning (ph.d.-programmet):

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjend opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling:

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr:

• Spennande og utviklande arbeidsoppgåver i eit sterkt fagmiljø.
• Løn for tida kr 560 000 (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 575 000. For søkjarar med spesialistutdanning er løna for tida kr 595 000.
• Medlemsskap i Statens pensjonskasse.
• Gode velferdsordningar.

Søknaden skal innehalde:

• Ei kort utgreiing om søkjaren sine forskingsinteresser og motivasjon for å søkje stillinga.
• Karakterutskrifter og vitnemål (all høgare utdanning) og relevante attestar.
• Søkjarar med utanlandsk utdanning (bachelor og master) må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved HK-dir si generelle vurdering om utdanninga samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du legge ved dokumentasjon frå HK-dir om at dei har mottatt søknaden din.
• Dokumentasjon på engelsk-kunnskapar.
• Ei fullstendig liste over publikasjonar og eventuelle andre faglege arbeid du vil det skal takast omsyn til.
• Eventuelle publikasjonar (pdf).
• To referansar (namn og kontaktinformasjon).

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Nærare opplysingar om stillinga kan ein få ved å kontakte Kurt Hanevik, e-post: kurt.hanevik@uib.no,  tlf.: 93 85 66 90.

UiB er underlagt regelverket for eksportkontroll og regelverket gjeld ved behandling av søknader til stillinga.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.       

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

. Video: https://www.youtube.com/watch?v=Eo3Z63yzkKA&list=PLf8ZIYfAO0qjhROTj6SthDbSScg0lSO6G&index=5