Psykisk helseteneste barn og unge

Om stillinga

Psykisk helseteneste har ansvar for å tilby tidleg hjelp, behandling og oppfølging til barn og unge i Sveio kommune som opplever psykiske plager, begynnande rusmiddelproblem og reaksjonar på belastande livshendingar. Tenesta supplerer helsestasjon, skulehelsetenesta og fastlegeordninga. Tilbodet har eit familieperspektiv og skal i tillegg tilby foreldrestøtte og rettleiing. 

Psykisk helseteneste er ein del av den nyetablerte Eining for barn og familie. I denne eininga har vi samla sentrale tenester for barn, unge og deira familiar som jordmor-, helsestasjon- og skulehelsetenesta, familierettleiarar, ressursteam og koordinator for barn og unge. 

Den einskilde tenesteytar og hjelpetenestene skal samarbeida til det beste for det einskilde barn og familie og til saman utgjera eit godt lag. Sveio kommune nyttar BTI (Betre Tverrfagleg Innsats) som samhandlingsmodell for å sikra godt samarbeid mellom tenestene, tidleg hjelp og brukarmedverknad. Felles kompetanseheving og fagleg utvikling er sentralt i etablering av ny eining. 

Arbeidsoppgåver

Psykisk helseteneste skal arbeide helsefremjande og førebyggjande mot barn og unge. Tidleg innsats og tverrsektorielt samarbeid er grunnleggjande i arbeidet. Arbeidsoppgåvene består mellom anna av:

• Gje psykiske helsetilbod rettet mot hjelp og behandling av barn og unge med milde og moderate psykiske plager
• På bakgrunn av det barn, unge og familiar ynskjer hjelp til, skal ein kartlegge utfordringsbilete og vurdera trong for vidare behandling og oppfølging
• Gje behandling og oppfølgingstilbod som tek utgangspunkt i barn og unge sitt beste og deira rett til medverknad, inkludering og å bli høyrt
• Gje rask og tilgjengeleg hjelp som fremjer livskvalitet og meistring
• Sikra samarbeid med barnehage, skule, pedagogisk psykologiske teneste (PPT), helse- og omsorgstenesta, barnevern og NAV
• Sikra koordinering mellom kommune og psykisk helsevern for barn og unge
• Delta i Sveio kommune sitt kriseteam med omsyn til barn og unge 

Kvalifikasjonar

Vi søkjer deg som:

• Har godkjent sjukepleiarutdanning med vidareutdanning i psykiatrisk sjukepleie
• Anne relevant utdanning med vidareutdanning i psykisk helse og/eller familieterapi 
• Det er ein fordel med erfaring frå utredning og behandling av psykiske helseplager, gjerne hos barn og unge
• Erfaring med rettleiing til føresette
• Har gode norskkunnskapar munnleg og skriftleg
• Har førarkort klasse B og kan disponera eigen bil i arbeidet
• Har godkjent politiattest

Personlege eigenskapar

• Du er lyttande, skapar tillit og dannar gode relasjonar til barn, unge og deira familiar
• Du har gode samarbeidsferdigheiter og er god i kommunikasjon med andre 
• Du er oppteken av at barn og ungdom vert høyrt, involvert og får medverka
• Du er sjølvstendig, strukturert og ansvarleg
• Du er aktivt deltakande i samarbeid i team
• Du er fagleg engasjert og oppteken av utvikling

• Du er fleksibel og løysingsorientert

   

Vi tilbyr

Utfordrande og lærerikt arbeid i eit engasjert og fagleg kompetent arbeidsfellesskap 
Eit fagmiljø under utvikling som du får vere med å påverke og utvikle 
Løn etter avtale, og gode pensjons- og forsikringsordningar