Ferievikar ved Turistinformasjonen

Turistinformasjon:

Sommarjobb på turistinformasjonane i Odda, Kinsarvik og Jondal

Har du lyst på ein spennande jobb i sommar? På turistinformasjonane i Odda,

Kinsarvik og Jondal søkjer me deg som ønskjer å hjelpe turistar med informasjon om

Ullensvang og som vil bidra til at turistane kjenner seg velkomne i kommunen. I denne vertskapsrolla må du ta godt imot turistane og formidle informasjon om

overnattingstilbod, aktivitetar, arrangement, transport og liknande. 

 

Arbeidsoppgåvene dine vil vera å formidle informasjon til turistar på engelsk og norsk i person, på telefon og på e-post.

 

Me søkjer etter deg som:

• Er serviceinnstilt og profesjonell i møtet med turistar.
• Er komfortabel i engelsk og norsk både munnleg og skriftleg.
• Har kjennskap til heile kommunen, og spesielt området der den aktuelle turistinformasjonen ligg (Odda/Kinsarvik/Jondal).
• Er ansvarsfull, sjølvstendig og lærevillig.
• Er over 18 år. Søkjarar over 16 år kan vurderast.

 

Det er størst behov for sesongmedarbeidarar frå juni til ut august. I tillegg er det

positivt om ein har høve til å jobbe i mai og september, spesielt i helger.

 

Turistinformasjonane har ulike opningstider. Ein arbeidsdag vil vera på 7,5 time

innanfor tidsrommet kl. 09-19 i Odda og innanfor kl. 09-17 i Kinsarvik og Jondal.

Ein vil vera fleire på jobb innanfor desse tidsromma. Arbeid minst kvar 3. helg må reknast med.

Me ber om at du i søknaden spesifiserer om du ønskjer å jobbe i Odda, Kinsarvik eller Jondal og kva tidsrom du kan jobbe i.

Løn etter tariff.

Link til søknadsskjema: Søk her