Utdanningsstilling - Sjukepleiar 

Ynskjer du å bli sjukepleiar? Då vil me gjerne støtte deg på vegen, både økonomisk og med arbeid under og etter studiane!

Vang kommune har oppretta utdanningsstillingar for deg som går på sjukepleiarutdanning eller som startar i sjukepleiarutdanning hausten 2025. 

Her vil du få arbeide ved sidan av studiane, i inntil 100 % stilling, og får variert praksis frå langtidsavdeling, korttidsavdeling og heimeteneste. 

Me tilpassar arbeidstida slik at du får kombinert arbeid og studiar på ein god måte. 

Du får i tillegg utdanningsstipend frå Vang kommune på kr. 120.000 fordelt på 6/8 semestre (avhengig av fulltids/deltidsutdanning). Ved ferdigstilt utdanning får du 100 % fast stilling som sjukepleiar i kommunen. 

Det er fleire studiestadar som tilbyr sjukepleiarutdanning, både på deltid og fulltid. NTNU Gjøvik har no starta fleksibel sjukepleiarutdanning som er tilrettelagt for deg som har arbeid, familie eller andre forpliktingar som gjer det vanskeleg for deg å bu på studiestaden: Fleksibelt studium i Gjøvik - NTNU 

Oppsummert: 

• Inntil 100 % arbeid i studietida
• 120.000 kr i stipend
• Garanti om fast stilling ved ferdigstilt utdanning
• 2 års bindingstid
  

Arbeidsoppgåver:

Fulltidsstudent: Kr. 120.000 delt på 3 år. Summen blir fordelt på 6 semestre; kr. 20.000 per semester.
Deltidsutdanning: Me støttar deltidsutdanning med same totale sum, 120.000 vert då fordelt på 4 år/ 8 semestre. Det utgjer kr. 15.000 per semester. 
Tilsettingsgaranti: I tillegg til utdanningsstipend får du garanti om fast stilling etter ferdigstilt studie på avtalt tid
Bindingstid: Du er forplikta til å arbeide i Vang kommune i 2 år etter ferdigstilt studie. Dersom du etter inngått avtale avsluttar studiet, ombestemmer deg, eller sluttar i arbeid før bindingstida er over, skal utbetalt stipend betalast tilbake til Vang kommune.

Me ynskjer at du skriv ein søknad til oss innan fristen, der du skriv litt om:

• Deg sjølv
• Studiet du går på/har søkt deg inn på
• Motivasjonen din for dette yrket/studiet
  

Ta gjerne kontakt med oss om du har spørsmål!

Me ynskjer at du:

• har evne til å gje omsorg og tryggleik
• er fleksibel og har tilpassingsevne
• er motivert, engasjert og strukturert
• har gode evner til samarbeid
• har stor arbeidskapasitet
• har gode norskkunnskapar munnleg og skriftleg

Anna informasjon:

• Tilsetting skjer på vilkår som gjeld til ei kvar tid i kommunal sektor.
• Stillinga krev politiattest jf. helsepersonell-loven § 5-4. Attesten må leggjast fram før tiltreding

Kontaktinformasjon

Stine Solemsli, Leiar VHT, 90896012, stine.solemsli@vang.kommune.no

Arbeidssted

Tyinvegen 5150

2975 VANG I VALDRES

Nøkkelinformasjon:

Arbeidsgiver: Vang Kommune


Referansenr.: 4913238028

Stillingsprosent: 100%

Engasjement

Søknadsfrist: 09.03.2025