Ledig stillingar for helsefagarbeidar/assistent. Langvaktsturnus og helgestilling 

"Saman blir vi sterkare". Vår kollega går av med pensjon og vi søkjer difor etter deg som er helsefagarbeidar/fagarbeidar til 75% fast stilling i avdeling Nordåsen, Miljøarbeidartenesta. Vi har også ei ledig helgestilling i avdelinga med arbeid laurdag og søndag kvar tredje helg.  

Miljøarbeidertenesta leverer i dag tenester til omlag 60 brukarar med nedsett funksjonsevne og psykiske lidingar. Vi har ca. 70 årsverk fordelt på åtte avdelingar. Her arbeider sjukepleiarar, vernepleiarar, miljøterapeutar, fagarbeidarar og assistentar saman for å tilby tenester av høg fagleg kvalitet. Overordna mål er å levere tenester som bidreg til at brukarane får leve gode liv i tråd meg eigne føresetnadar, ynskje og behov. Dette stiller krav til relasjonskompetanse, eignaheit og individuelt tilpassa tenesteyting i tråd med lovverk, nasjonale og lokale føringar. Du vil arbeide brukarnært med arbeidsoppgåver tilpassa din kompetanse og opplæring. 

Stillingane er lagd til avdeling "Nordåsen" der det bur fem personar, med varierande behov for bistand, i eigne leiligheiter. Målgruppa er brukarar med utviklingshemming. Stillingane er organisert i årsturnus og ein må påregne å stille på personalmøter, fagmøter etc inntil seks gangar i løp av turnusåret.

 

Vi har ledig:

- Ei 75% fast stilling for helsefagarbeidar.

Dersom ikkje kvalifisert personale søker kan det vere aktuelt å tilsette fagarbeidar eller assistent.

Langvakter i vekedagane (kveldsvakt og påfølgande kvilande nattevakt), medlevervakter fredag - mandag, kvar fjerde helg. 

 

-Ei fast 17% helgestillinga med arbeid kvar tredje helg for fagarbeidar eller assistent

Dagvakter laurdag og søndag per tid kl. 0830-1700.

 
Skriv i søknaden kva stilling du søker. Har du spørsmål til stillinga? Kanskje kunne du tenkt deg å sjå eit døme på turnus? Ikkje nøl med å ta kontakt.

Arbeidsoppgåver

Hovudoppgåva er å bistå brukarane gjennom døgnet slik at dei kan meistre dagleglivetets gjermål.

I kvardagen har vi fokus på miljøarbeid, bistand og rettleiing til eigenomsorg og praktiske gjeremål. Du vil også dele ut legemiddel etter delegasjon, følge opp etablerte tiltak og føre journal. Vi har eit fellesareal som samlingspunkt for aktivitet og samvær. Ein er eit personale på arbeid storparten av tida, men samarbeider tett med brukarane når ein er på arbeid, pårørande, verge og andre avdelingar ved behov. Som helsefagarbeidarr i 75% stilling vil ein også få arbeidsoppgåver etter rutine for primærkontakt og opplæringsansvar for kollegaer/studentar. 

Kvalifikasjonar

• For fast 75% stilling

Autorisert helsefagarbeidar

Dersom det ikkje melder seg søkarar med relevant utdanning, kan det vere aktuelt å tilsette andre med interesse for og erfaring frå brukargruppa.

• For helgstilling

Assistent, høgskulestudent helsefag, fagarbeidar, anna relevant utdanningsbakgrunn.

• Ynskjeleg med erfaring frå arbeid med personar med utviklingshemming og miljøarbeid 
• Grunleggande IKT- kunnskapar
• Gode norskkunnskapar, både skriftleg og munnleg
• Ynskjeleg med førarkort klasse B

Personleg eignaheit vil bli vektlagt i stor grad.

Vi søkjer etter deg som

• er trygg i rolla, ansvarsbevisst og kan arbeide sjølvstendig
• har godt humør, god omsorgsevne og er god til å skape relasjonar
• tekk initiativ, er fleksibel og ser løysingar 
• som er pådrivar for å skape ei god teneste og bidreg til eit godt arbeidsmiljø
  

Vi tilbyr

• Opplæring og rettleiing på arbeidsstaden og via kurs som sikrer at du har den kompetansen du treng for å gjennomføre arbeidsoppgåvane dine.
  
• Ein kjekk og meiningsfull jobb der du i Nordåsen arbeider mykje aleine, men er ein del av eit godt fag- og arbeidsmiljø.
• Tilsetting, lønn og arbeidsvilkår i samsvar med gjeldande lovverk, reglement og tariffavtale. 
• Høgskulestudentar under relevant utdanning får ekstra lønnstillegg.

For tilsetting gjeld ei prøvetid på seks månader. Det må leverast tilfredsstillande politiattest før tiltreding.

Kontaktinformasjon

Kristine Eide Ryssdal, Avdelingsleiar , +47 911 39 159

Synnøve Marie Hestenes, Tenesteleiar Miljøarbeidartenesta, +47 930 18 186

Arbeidsstad

Grandavegen 9

6823 Sandane

Nøkkelinformasjon:

Arbeidsgivar: Gloppen kommune


Referansenr.: 4907720999

Stillingsprosent: 75, 17%

Fast

Søknadsfrist: 02.03.2025