Pedagogisk leiar

Bli med oss i Sagatun barnehage, ein stad der eventyr skapar framtida! 

Balestrand - Fjordperla med magisk lys

Midt i Sognefjorden, mellom majestetiske fjell og spegelblank fjord, finn du Balestrand – ei bygd som i generasjonar har inspirert kunstnarar, eventyrarar og naturelskarar. Her lever me tett på naturen, omgitt av spektakulært lys og gode naturopplevingar.

Sagatun barnehage, ein plass for leik, læring og fellesskap

Sagatun barnehage er ein fleirkulturell barnehage med fire avdelingar, der mangfald, respekt og fellesskap står i sentrum. Me skapar ein trygg og utviklande kvardag for borna – fylt med leik, læring og utforsking.

Barnehagen ligg sentralt i Balestrand, med eit stort uteområde og kort veg til spennande turmål. Her kan ein boltre seg i Badelaguna, på Balasletta, Kong Bele, fotballbana, i skogsløyper, dragehus, klatrepark eller kunstområde – alt innan kort rekkevidde! Sentrum med butikkar, hotell, akvarium er også få minuttar unna.

Ledige stilling  

• 100% fast som pedagogisk leiar  
  

Dine oppgåver:

• Sikre eit inkluderande, inspirerande og utviklande leike- og læringsmiljø
• Planleggje, gjennomføre, dokumentere og evaluere det pedagogiske arbeidet
• Vere med å forme og drive det pedagogiske arbeidet i barnehagen
• Faglef leiing og drift av ei avdeling 
• Bygge gode relasjonar med barn, føresette og kollegaer
• Rettleie og støtte fagarbeidarar, assistentar og lærlingar

Kven er du?

• Har godkjend barnehagelærarutdanning eller anna relevant høgskuleutdanning
• Vidareutdanning/fordjuping i spesialpedagogikk eller rettleiing er ein fordel
• Erfaring frå barnehage er ønskjeleg, men ikkje eit krav
• Beherskar norsk godt, både skriftleg og munnleg
• Menn vert oppmoda om å søkje

Vi ser etter deg som:

• Er positiv, inkluderande og glad i nye utfordringar
• Er kreativ, leiken og tek initiativ
• Er god på å skape trygge og tillitsfulle relasjonar
• Har fagleg engasjement og tek ansvar
• Taklar ein aktiv kvardag med høgt tempo
• Har godt humør og sprer glede i kvardagen

Kvifor velje oss?

• Ein spanande og meiningsfull jobb i eit godt arbeidsmiljø
• Rettleiing og støtte for nyutdanna barnehagelærarar
• Eit pedagogisk miljø med høg fagleg kvalitet
• Engasjerte og støttande kollegaer
• Leiarstøtte og opplæring i Sogndal kommune sine program og IT-verktøy
• Gode pensjons- og forsikringsordningar

 

Politiattest krevst for stillinga. 

Det kan verte ledig fleire stillingar enn det som er utlyst i denne utlysinga. Då vil me ta kontakt med aktuelle søkjarar frå denne søknadsrunden. Utlysinga gjeld difor og eventuelt andre ledige barnehagelærarstillingar som kan koma til seinare i vår/sommar. Søkarar kan difor vere aktuelle / få tilbod om stilling som ikkje er annonsert gjennom hovudutlysinga.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort. 

Søknadar må leverast innan fristen og må sendast inn via rekrutteringssystemet vårt EasyCruit. 

Link til søknadsskjema: Søk her