Sommarjobb i Helse og Tilrettelagte tenester

I samband med ferieavvikling sommaren 2025 er det behov for vikarar ved:

• Tilrettelagte tenester; tilrettelagt bustad og avlastning for barn og unge
• Legekontoret

Vi har i hovudsak behov for vikarar i vekene 26-33. Om du jobbar minimum 80% i seks veker mellom veke 26 og veke 33, får du ein bonus på 5 000 kr. i tillegg til vanleg løn. Du må i søknaden spesifisere ynskje om arbeidsområde (ev. prioritet), tidsrom og stillingsstorleik. Det vil kunne vera behov for vikarar også utanom sumarferien. 

 

Ta gjerne kontakt om du er nysgjerrig på å arbeide hos oss og ønskjer meir informasjon!

Aktuelle søkjarar blir vurdert og kontakta fortløpande.

Arbeidsoppgåver

Tilrettelagte tenester:

Tilrettelagte tenester yter tenester til personar med nedsett funksjonsevne i eigen bustad og i eigen barneavlastning, samt aktivitetstilbod. Arbeidet er svært variert, og inneber å bistå tenestemottakar i dagleglivets aktivitetar og med det det dei treng i løpet av dagen.

Det er behov for vikarar både i avlastningsbolig for barn og unge, og på bustadbasen på Brennebakkin. Om du er nysgjerrig på å arbeide hjå oss, er dette ei flott moglegheit!

 

Legekontoret:

Legetenesta er del av helseavdelinga og held til i helsehuset på Heggenes. Tenesta yter fastlegetenester og bistår og samarbeidar med dei andre kommunale helsetenestene. Arbeidet er på dagtid.

Kvalifikasjonar

Tilrettelagte tenester:

• Det er ein fordel med relevant fagbrev eller 3-årig utdanning, men det er ikkje eit krav, og personleg eignaheit blir tillagt stor vekt
• Studentar blir oppfordra til å søkje
• Erfaring frå målretta miljøarbeid og arbeid med menneske med ulike funksjonsvariasjonar er ein fordel, men ikkje eit krav. Du blir oppfordra til å søke dersom du er nysgjerrig på å arbeide i tenesta. Opplæring vil bli gitt.

Legekontoret:

• Relevant 3-åring utdanning eller fagbrev, slik som sjukepleiar eller legesekretær.
• Studentar blir oppfordra til å søkje

Felles:

• Det er krav om norsk autorisasjon for søkjarar som har 3-årig utdanning eller fagbrev
• Det er krav om politiattest , som må leverast før oppstart
• Det er ein fordel med førarkort kl B i Tilrettelagte tenester

Personlege eigenskapar

• Gode norskkunnskapar, skriftleg og munnleg
• Vi ønskjer at du er sjølvstendig, fleksibel, stabil, positiv, løysningsorientert, og at du har gode samarbeidsevner
• Du må vere etisk reflektert, møte alle med respekt og ha brukaren sin sjølvråderett i fokus

Vi tilbyr

• Vi kan tilrettelegge turnus, slik at dei som ønskjer kan jobbe innan fleire tenesteområde (t.d. legekontor/helsetun eller legekontor/tilrettelagte tenester)
• Varierte og spennande arbeidsoppgåver
• God opplæring og veiledning, opplæring i fagsystem
• Engasjerte og fagleg dyktige medarbeidarar med fokus på gode opplevingar for pasient, pårørande og kolleger
• Det kan vere moglegheit for arbeid både før og etter sommarferieperioden
• Gode turmoglegheiter. Vi kan garantere deg unike naturopplevingar og nærleik til flotte turområde
• Godt utval av festivalar og moglegheit for kulturopplevingar
• Vi kan bistå med å finne ein stad å bu

Kontaktinformasjon

Maren Hvitmyhr, Avdelingsleiar Tilrettelagte tenester, 90074703

Mona Christin Hovrud, Legekontoret, 47663133

Per Bo Svensson, Tenesteleiar helse og tilrettelagte tenester, +47 92666185

Arbeidsstad

Bygdinvegen 2134

2940 Heggenes

Nøkkelinformasjon:

Arbeidsgivar: Øystre Slidre kommune


Referansenr.: 4923192340

Stillingsprosent: 100%

Sommarjobb

Søknadsfrist: 30.04.2025